ലിനിയുടെ ഓർമയിൽ തെളിഞ്ഞ ദൃശ്യങ്ങൾ എന്നെ അലട്ടിയിരുന്നു!! ചെയ്ത ഹോംവർക്കുകളെ കുറിച്ച് റിമ

വൈറസിനു വേണ്ടിയുളള തയ്യാറെടുപ്പ്

സംവിധായകൻ ആഷിഖ് അബു, തിരക്കഥകൃത്തുക്കളായ മുഹസിൻ പെരാരി, ഷർഫു, സുഹാസ് എന്നിവർ ചേർന്ന് പത്തു മാസത്തോളം ചിത്രത്തിനു വേണ്ടി കഠിനമായ ഹോം വർക്കുകൾ ചെയ്തിരുന്നു. രോഗബാധിതരുടെ ബന്ധുക്കൾ, ആരോഗ്യ പ്രവർത്തകർ, രാഷ്ട്രീയക്കാർ, തുടങ്ങി അസുഖം റിപ്പോർട്ട് ചെയ്ത നാട്ടിലെ ജനങ്ങളോടുവരെ ഇതിനെ കുറിച്ച് സംസാരിച്ച് വിവരങ്ങൾ ശേഖരിക്കുകയും ചെയ്തിരുന്നു. കൂടാതെ സംഭവം അതുപോലെ അവതരിപ്പിക്കുന്നതിനു പകരം സിനിമാറ്റിക്കായി അവതരിപ്പിക്കുകയാണ് തങ്ങൾ ചെയ്തതെന്നും റിമ പറഞ്ഞു.
‌

ആരേയും സങ്കടപ്പെടുത്തിയില്ല

എല്ലാവരും ഒറ്റക്കെട്ടായി നിന്ന് ഒരു വിപത്തിനെ അതിജീവിച്ച കഥയാണ് വൈറസിലൂടെ പറയാൻ ശ്രമിച്ചത്. അപ്പോഴും ആ രോഗം കീഴടക്കിയ കുറെ കുടുംബങ്ങൾ നമ്മുടെ മുന്നിലുണ്ട്. ഒരിക്കലും അവർക്ക് ഈ സിനിമ കൊണ്ട് മറ്റൊരു സങ്കടമുണ്ടാകാതിരിക്കാൻ ഞങ്ങൾ പ്രത്യേകം ശ്രമിച്ചിട്ടുണ്ട്.

സിസ്റ്റർ ലിനിയുടെ ജീവിതം

ജീവൻ വകവയ്ക്കാതെയുളള ആത്മാർഥമായ സോവനത്തിൽ പൊലിഞ്ഞ ജീവിതമായിരുന്നു സിസ്റ്റർ ലിനിയുടേത്. എല്ലാവർക്കും അറിയാവുന്ന മാലാഖ. എന്നാൽ പലർക്കും അറിയാത്ത ഇമേഷണൽ ട്രാക്കിങ്ങിലൂടെ പെൺകുട്ടി കടന്നു പോയിരുന്നു താൻ രോഗ ബാധിതയാണെന്ന് അറിഞ്ഞിട്ടും സമചിത്തതയോടെ അവർ പെരുമാറി. രോഗം പടരാതിരിക്കാനുള്ള ആത്മനിയന്ത്രണം കാണിച്ചു കാണിച്ചു.

ലിനിയാകൻ ചെയ്തത്

ഭർത്താവിനേയും മകളേയും ഒരു നോക്ക് കാണാതെയാണ് ലിനി ലോകത്ത് നിന്ന് വിട പറഞ്ഞത്. ആ അവസാന നാളിൽ അവളുടെ ഓർമയിൽ തെളിഞ്ഞ ചിത്രങ്ങൾ എന്തൊക്കെയായിരിക്കാം.. എന്നിങ്ങനെയുള്ള സംഭവങ്ങൾ എന്നെ കുറെ കാലം അലട്ടിയിരുന്നു. അതൊക്കെ നന്നായി ഉൾക്കൊണ്ടാണ് ഈ കഥാപാത്രം അവതരിപ്പിച്ചത്. അഭിനയിച്ചതിനു ശേഷം പുനർജന്മം കിട്ടിയതു പോലെയാണ തോന്നിയത്.അതിനുശേഷം, ഓരോ നിമിഷവും യുദ്ധമുഖത്തെന്നപോലെ ജീവിക്കുന്ന മെഡിക്കല്‍ കമ്യൂണിറ്റിയോട് എനിക്ക് വലിയ ആദരവാണ്- റിമ പറഞ്ഞു