അവളുടെ രാവുകള്‍ കാണാന്‍ മമ്മൂട്ടി കാണിച്ച സാഹസം!!

എറണാകുളം കവിതാ തിയേറ്ററില്‍ മമ്മൂട്ടിയും കൂട്ടുകാരനും

മലയാളസിനിമയുടെ ബോക്‌സോഫീസില്‍ സ്‌ഫോടനം നടത്തിയ ചിത്രമായിരുന്നു ഐ വി ശശി സംവിധാനം ചെയ്ത അവളുടെ രാവുകള്‍. എറണാകുളം കവിതാ തിയേറ്ററില്‍ അവളുടെ രാവുകള്‍ തകര്‍ത്തോടുന്ന സമയത്ത് ചിത്രം കാണാന്‍ മമ്മൂട്ടിക്കും കൂട്ടുകാരന്‍ ഷെറഫിനും എത്തി.

മതില്‍ ചാടിക്കടന്ന് ടിക്കറ്റ് സംഘടിപ്പിച്ചു

എന്നാല്‍ മമ്മൂട്ടിയ്ക്കും കൂട്ടുകാരനും തിയേറ്ററിലേക്ക് കടക്കാന്‍ കഴിഞ്ഞില്ല. കവിതാ തിയേറ്റര്‍ നിറഞ്ഞു കവിഞ്ഞപ്പോള്‍ തിയേറ്ററുകാര്‍ മെയിന്‍ ഗേറ്റ് പൂട്ടി. ഒടുവില്‍, മമ്മൂട്ടി ഷെറഫിനൊപ്പം ഗേറ്റ് ചാടി കടന്ന് ഷെറഫിന്റെ പരിചയക്കാരനായ തിയേറ്റര്‍ മാനേജറില്‍ നിന്ന് ടിക്കറ്റ് സംഘടിപ്പിച്ചു.

ഈ തിയേറ്ററുടമയും മമ്മൂട്ടിയും പിന്നീട്

പിന്നീട് കവിതാ തിയേറ്ററിന്റെ മാനേജര്‍ ഹമീദ് മമ്മൂട്ടി നായകനായ ഈ തണലില്‍ ഇത്തിരി നേരം, ഈ ലോകം ഇവിടെ കുറെ മനുഷ്യര്‍ എന്നീ ചിത്രങ്ങളുടെ നിര്‍മ്മാതാവുമായി മാറിയത് ചരിത്രം.

മെഗാസ്റ്റാറായി വളര്‍ന്ന മമ്മൂട്ടി

തിയേറ്ററുടമ മമ്മൂട്ടിയുടെ ചിത്രം നിര്‍മിച്ചു എന്ന് മാത്രമല്ല, മമ്മൂട്ടി കഷ്ടപ്പെട്ട് കണ്ട അവളുടെ രാവുകള്‍ എന്ന ചിത്രത്തിലെ അഭിനേതാക്കളും, സംവിധായകനുമൊക്കെ പിന്നീട് മമ്മൂട്ടിയ്‌ക്കൊപ്പം പ്രവൃത്തിച്ചു. അതാണ് തലവര