ജിമ്മിക്കി കമ്മലിനോട് മലയാളികള്‍ എന്തിനാണ് ഈ ദ്രോഹം ചെയ്യുന്നത്? ആര്‍ക്കാണ് ഇത്ര ദേഷ്യം...

മോഷണ വാര്‍ത്ത

ആഗോള തലത്തില്‍ ഹിറ്റായി മാറിയ ജിമ്മിക്കി കമ്മല്‍ ഒരു ഗുജറാത്തി പാട്ടില്‍ നിന്ന് മോഷ്ടിച്ചതാണെന്ന തരത്തില്‍ ആക്ഷേപം ഉയരാന്‍ തുടങ്ങിയിട്ട് കുറച്ച് ദിവസമായി. സോഷ്യല്‍ മീഡിയയിലൂടെയാണ് ഇത് പ്രചരിക്കുന്നത്. അന്താരാഷ്ട്ര തലത്തില്‍ ശ്രദ്ധിക്കപ്പെട്ട ഗാനത്തിന് എതിരെയാണ് ഈ പ്രതികരണം.

പ്രതികരണവുമായ ഷാന്‍ റഹ്മാന്‍

ഇത്തരം ആരോപണങ്ങളോട് പൊതുവേ പ്രതികരിക്കാത്ത വ്യക്തിയാണ് താന്‍. കാരണം നമ്മുടെ സ്വന്തം മലയാളികള്‍ തന്നെ വാട്ട്‌സ് ആപ്പ് ഗ്രൂപ്പിലൂടെയും മറ്റും ഇത് മോഷണമാണെന്ന് പ്രചരിപ്പിക്കുന്നുണ്ട്. മലയാളികളുടെ അഭിമാനമായി മാറിയ പാട്ടാണിത്.

ഇത്രയും പ്രതീക്ഷിച്ചില്ല

ജിമ്മിക്കി കമ്മല്‍ ഇത്രയും ഉയരത്തിലെത്തുമെന്ന് തങ്ങളും പ്രതീക്ഷിച്ചിരുന്നില്ല. പുറത്തിറങ്ങി ഒരു ചെറിയ കാലത്തിനുള്ളിലാണ് ഈ ഗാനം ഇത്രയും വലിയ നേട്ടം കൈവരിച്ചിരിക്കുന്നത്. ബിബിസി പോലുള്ള മാധ്യമങ്ങള്‍ പോലും ശ്രദ്ധിച്ച ഗാനമാണിതെന്നും ഷാന്‍ റഹ്മാന്‍ പറയുന്നു.

അതല്ല സത്യം

ഗുജറാത്തിലെ റെഡ് എഫ്എം റേഡിയോയുടെ സംരംഭത്തെയാണ് ഇപ്പോള്‍ കോപ്പിയടിച്ചു എന്ന തരത്തില്‍ പ്രചരിപ്പിക്കുത്. അവരുടെ വീഡിയോയില്‍ തന്റെ ശബ്ദവുമുണ്ട്. റെഡ് എഫ്എം ഇന്ത്യയില്‍ പലയിടത്തും ജിമ്മിക്കി കമ്മലിന്റെ വ്യത്യസ്ത പതിപ്പുകള്‍ ഇറക്കിയിട്ടുണ്ട്. അതില്‍ അഭിമാനമുണ്ടെന്നും ഷാന്‍ തന്റെ ഫേസ്ബുക്ക് കുറിപ്പില്‍ പറഞ്ഞു.

തെളിവുണ്ട്

ജിമ്മിക്കി കമ്മല്‍ കോപ്പിയടിയാണെന്ന് ചൂണ്ടിക്കാട്ടിയ ഗാനവും യുടൂബില്‍ അപ് ലോഡ് ചെയ്ത ദിവസം വ്യക്തമാക്കുന്ന സ്‌ക്രീന്‍ ഷോട്ടുകള്‍ ഷാന്‍ ഫേസ്ബുക്കില്‍ പോസ്റ്റ് ചെയ്തിട്ടുണ്ട്. ജിമ്മിക്കി കമ്മല്‍ ഓഗസ്റ്റ് 17നും ഗുജറാത്തി പതിപ്പ് സെപ്തംബര്‍ 22നുമാണ് യൂടൂബില്‍ എത്തിയത്.

റെക്കോര്‍ഡ് കാഴ്ചക്കാര്‍

ഗാന പുറത്തിറങ്ങി ഒരു മാസം പിന്നിടുമ്പോള്‍ നിരവധി പതിപ്പുകളാണ് ഈ ഗാനത്തിനുണ്ടായത്. എന്നിട്ടും ഗാനത്തിന് യഥാര്‍ത്ഥ പതിപ്പിന് യുടൂബില്‍ 20 മില്യനിലധികം കാഴ്ചക്കാരെ നേടാനായി. യൂടൂബില്‍ ഏറ്റവും അധികം കാഴ്ചക്കാരെ നേടിയ രണ്ടാമത്തെ ഗാനമായി മാറിയിരിക്കുകയാണ് ജിമ്മിക്കി കമ്മല്‍.

ഫേസ്ബുക്ക് പോസ്റ്റ്

ഷാന്‍ റഹ്മാന്റെ ഫേസ്ബുക്ക് പോസ്റ്റ് കാണാം...