രാജാധിരാജയില്‍ ഐറ്റം നമ്പറുമായി ഷംന കാസിം

By Lakshmi

Updated: Wednesday, July 16, 2014, 15:56 [IST]

നൃത്തത്തില്‍ കഴിവുതെളിയിച്ചുകൊണ്ടാണ് ഷംന കാസിം ചലച്ചിത്രലോകത്തേയ്ക്ക് എത്തിയത്. പ്രമുഖ ചാനലിലെ ഡാന്‍സ് റിയാലിറ്റിഷോയില്‍ ഒന്നാം സ്ഥാനക്കാരിയായ ഷംനയ്ക്ക് മലയാളത്തിലും തമിഴിലും തെലുങ്കിലുമെല്ലാം അഭിനയിക്കാന്‍ അവസരം ലഭിച്ചു. തെന്നിന്ത്യയിലെ മറ്റ് ഭാഷകളില്‍ പൂര്‍ണ എന്നറിയപ്പെടുന്ന ഷംന അഭിനയം തുടങ്ങിയെങ്കിലും നൃത്തം ഉപേക്ഷിച്ചിട്ടില്ല. അവാര്‍ഡ് നിശകളിലും ചാനല്‍ പരിപാടികളുമെല്ലാം ഷംന നല്ല അടിപൊളി ഡാന്‍സുകളുമായി എത്താറുണ്ട്.

ഇപ്പോഴിതാ മലയാളത്തിലെ പുതിയൊരു ചിത്രത്തില്‍ ഐറ്റം ഡാന്‍സിനൊരുങ്ങുകയാണ് ഷംന കാസിം. മമ്മൂട്ടിയുടെ പുത്തന്‍ ചിത്രമായ രാജാധിരാജയിലാണ് ഷംന ഐറ്റം നമ്പറുമായി എത്തുന്നത്. മമ്മൂട്ടിയുടെ ചിത്രത്തില്‍ നൃത്തരംഗത്ത് പ്രത്യക്ഷപ്പെടാന്‍ കഴിയുന്നതിന്റെ സന്തോഷത്തിലാണ് ഷംനയിപ്പോള്‍. ഇതേ ചിത്രത്തില്‍ ഉണ്ണി മുകുന്ദനും ഐറ്റം നമ്പറുമായി എത്തുന്നുണ്ടെന്ന് റിപ്പോര്‍ട്ടുകളുണ്ടായിരുന്നു. രണ്ടുപേരും ഒന്നിച്ച് ഒരേ ഗാനരംഗത്താണോ എത്തുന്നത് എന്നകാര്യത്തില്‍ വ്യക്തതയില്ല.