»   » ഒരു ചാവറക്കാലം ചിത്രീകരണം ആരംഭിച്ചു

ഒരു ചാവറക്കാലം ചിത്രീകരണം ആരംഭിച്ചു

Posted By:
Subscribe to Filmibeat Malayalam
    Oru Chavarakkalam
    ജാതിവ്യവസ്ഥയും അനാചാരങ്ങളും നാടുവാണിരുന്ന പത്തൊമ്പതാം നൂറ്റാണ്ടില്‍ ജീവിച്ച നവോത്ഥാന നായകന്‍ ചാവറ കുര്യാക്കോസ് ഏലിയാസച്ചന്റെ ജിവിതം സിനിമയാകുന്നു. ഷൈജു കെ ജോര്‍ജ് സംവിധാനം ചെയ്യുന്ന ചിത്രത്തിന് 'ഒരു ചാവറക്കാലം' എന്നാണ് പേരിട്ടിരിക്കുന്നത്. ചിത്രത്തിന്റെ ചിത്രീകരണം കോട്ടയത്ത് ആരംഭിച്ചു.

    ജാതിക്കും മതത്തിനും അതീതമായി ഏകദൈവ സങ്കല്‍പം അവതരിപ്പിച്ച ശ്രീനാരായണ ഗുരുവിന് മുമ്പു തന്നെ ഈ കാഴ്ച്ചപ്പാടുമായി സമൂഹത്തിലെ ജീര്‍ണതയ്‌ക്കെതിരെ ശ്ബ്ദമുയര്‍ത്തിയ മഹാനാണ് ചാവറയച്ചനെന്ന് സിനിമ സമര്‍ഥിക്കുന്നു. സിഎംഐ സെന്റ് ജോസഫൈന്‍സ് ഫിലീംസിന്റ ബാനറില്‍ ഫ.സിബിച്ചന്‍ കളരിക്കലും ഷിബു മിനിടെക്കും ചേര്‍ന്നാണ് ചിത്രം നിര്‍മ്മിക്കുന്നത്.

    ഒരു ചാവറക്കാലം എന്ന ചിത്രത്തിനു വേണ്ടി രചന നിര്‍വഹിക്കുന്നത് തോമസ്‌കുട്ടി സെബാസ്റ്റിയനാണ്. വാഴ്ത്തപ്പെട്ട ഫാദര്‍ ചാവറ കുര്യാക്കോസ് ഏലിയാസിന്റെ സുഹൃത്തായി സിപിഎം നേതാവ് എംഎം മണി അഭിനയിക്കുന്നു എന്നതും ശ്രദ്ധേയമാണ്. ചെറുപ്പകാലത്ത് നാട്ടിലെ വായനശാല സംഘടിപ്പിച്ച നാടകങ്ങളില്‍ അഭിനയിച്ച പരിചയവുമായാണ് മണിയാശാന്‍ സിനിമയിലെത്തുന്നത്.

    ചാവറ അച്ചന്റെ തീര്‍ത്ഥാടന കേന്ദ്രമായ കോട്ടയം മന്നാനം പള്ളിയില്‍ വച്ചാണ് ചിത്രത്തിന്റെ പൂജ നടന്നത്. കോട്ടയം പ്രദീപാണ് ചാവറ അച്ചനായി വേഷമിടുന്നത്. ടോണി, ബിനു അടിമാലി, ബ്രദര്‍ ജോര്‍ജ് കുട്ടി, മാസ്റ്റര്‍ നന്ദകിഷോര്‍ തുടങ്ങിയവരും ചിത്രത്തിന്‍ അഭിനയിക്കുന്നു.

    English summary
    Shyju K George making a new film named Oru Chavarakkalam.

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more