ശ്രീദേവി എന്നത് എന്റെ കഥാപാത്രം!! ഇനി അഭിപ്രായം പറയേണ്ടത് നിങ്ങൾ... വിവാദങ്ങളെ കുറിച്ച് പ്രിയ വാര്യർ

വിവാദമായത് ടീസറിലെ രംഗങ്ങളും

ചിത്രത്തിന്റെ ട്രെയിലർ വന്നതോടു കൂടിയാണ് വിവാദങ്ങൾ തലപൊക്കാൻ തുടങ്ങിയത്. ശ്രീദേവി ബെംഗ്ലാവെന്നുള്ള പേരും ടീസറിൽ ഉൾപ്പെടുത്തിയ ചില രംഗങ്ങളുമാണ് വിവാദങ്ങൾക്ക് കാരണമായത്. നടി ശ്രീദേവിയുടെ ജീവിത കഥയുമായി ചിത്രത്തിന് ബന്ധമുണ്ടെന്ന് ആരോപിച്ചായിരുന്നു വിവാദങ്ങൾ തലപൊക്കാൻ തുടങ്ങിയത്. ടീസറിലുണ്ടായ ബാത് ടബ്ബിലെ സീനുകൾ ചർച്ച വിഷയമായിരുന്നു. ഇതിനെ തുടർന്ന് ശ്രീദേവിയുടെ ഭർത്താവും ബോളിവുഡിലെ പ്രമുഖ നിർമ്മാതാവുമായ ബോണി കപൂർ ചിത്രത്തിലെ അണിയറപ്രവർത്തകർക്ക് വക്കീൽ നോട്ടീസ് അയച്ചിരുന്നു.

എല്ലാം പ്രേക്ഷകർക്ക് തീരുമാനിക്കാം

ചിത്രങ്ങളുമായി ബന്ധപ്പെട്ട് പുറത്തു വരുന്ന വിവാദങ്ങളിൽ പ്രതികരിച്ച് പ്രിയ . ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിലായിരുന്നു താരം ഇതിനെ കുറിച്ച് പറഞ്ഞത്. ശ്രീദേവി എന്നത് ചിത്രത്തിലെ തന്റെ കഥാപാത്രമാണ്. മനപ്പൂർവ്വം വിവാദമുണ്ടാക്കാൻ ആരും ശ്രമിക്കാറില്ല. ചിത്രത്തിന്റെ ട്രെയിലർ പുറത്തു വന്നതോടെ ആതീവ ആകാംക്ഷയിലാണ് പ്രേക്ഷകർ. അത് വളരെ നല്ല കാര്യം തന്നെയാണ്. കൂടാതെ ചിത്രം നടി ശ്രീദേവിയ കുറിച്ചുളളതാണോ അല്ലയോ എന്ന് തീരുമാനിക്കാനുള്ള അവകാശം പ്രേക്ഷകർക്ക് വിട്ട് നൽകിയിരിക്കുകയാണെന്നും പ്രിയ അഭിമുഖത്തിൽ പറഞ്ഞു.

സസ്പെൻസ് ത്രില്ലർ

ഇതേ അഭിപ്രായം തന്നെയാണ് സംവിധായകൻ പ്രശാന്ത് മാമ്പുളളിയും പറഞ്ഞത്. സ്പെൻസ് ക്രൈം ത്രില്ലർ വിഭാഗത്തിൽപ്പെടുന്ന ചിത്രമാണിത്. അതിനാൽ തന്ന ചിത്രത്തിൽ സസ്പെൻസ് നിലനിർത്തേണ്ട ഉത്തരവാദിത്വം തനിയ്ക്കുണ്ട്. അതിനാൽ തന്നെ സിനിമയെ കുറിച്ച് കൂടുതലെന്നും പറയുന്നില്ലെന്നും പ്രശാന്ത് ടൈംസിനോട് പറഞ്ഞു. കൂടാതെ ശ്രീദേവി എന്ന നടിയുടെ വലിയ ആരാധകനാണ് താൻ. അവരെ സ്നേഗഹിക്കുകയും ബഹുമാനിക്കുകയും ചെയ്യുന്നുണ്ടെന്നും ഈ അവസരത്തിൽ കൂട്ടിച്ചേർത്തു.

നിയമപരമായി തന്നെ നേരിടും

ചിത്രത്തിനെതിരെ ബോണി കപൂർ വക്കീൽ നോട്ടീസ് അയച്ചിരുന്നു. ഇത് നേരത്തെ തന്നെ സംവിധായകൻ സ്ഥിരീകരിക്കുകയും ചെയ്തു. വക്കീൽ നോട്ടീസിനെ നിയമപരമായി തന്നെ നേരിടുമെന്നാണ് സംവിദായകൻ അന്ന് പറഞ്ഞിരുന്നത്. താൻ ഒരു സസ്പെൻസ് ത്രില്ലർ ചിത്രമാണ് ഒരുക്കുന്നത്. ശ്രീദേവി എന്നമത് കോമൺ നെയിം മാത്രമാണെന്നും പ്രശാന്ത ബോണി കപൂറിനെ അറിയിച്ചിരുന്നുവെന്നും സംവിധായകൻ അറിയിച്ചിരുന്നു,