അവഗണനക്കൊടുവില്‍ ആദിവാസി ബാലന്‍ മണി സിനിമയിലേക്ക്! തിരിച്ചു വരവ് നായകനായി!!

ഉടലാഴം

ഉണ്ണികൃഷ്ണന്‍ ആവള തിരക്കഥയെഴുതി സംവിധാനം ചെയ്യാന്‍ പോവുന്ന ഫീച്ചര്‍ ഫിലിമാണ് ഉടലാഴം. ചിത്രത്തിന്റെ ഔദ്യോഗിക അനൗണ്‍സ്‌മെന്റ് ഇന്നലെ നടത്തിയിരുന്നു.

മണിയുടെ തിരിച്ചു വരവ്

ഉടലാഴം എന്ന പേരില്‍ നിര്‍മ്മിക്കുന്ന ചിത്രത്തിലുടെ മികച്ച ബാല താരത്തിനുള്ള സംസ്ഥാന പുരസ്‌കാരം നേടിയ മണി നായകനായി തിരിച്ചെത്തുകയാണ്.

പ്രമുഖ താരങ്ങളും

മണി കേന്ദ്രകഥാപാത്രത്തെ അവതരിപ്പിക്കുന്ന ചിത്രത്തില്‍ ജോയ് മാത്യു, ഇന്ദ്രന്‍സ്, സജിത മഠത്തില്‍, അനുമോള്‍ എന്നിങ്ങനെയുള്ള താരങ്ങളും പ്രധാന വേഷത്തിലെത്തുന്നുണ്ട്.

മണി

മോഹന്‍ലാല്‍ ഇരട്ട കഥാപാത്രങ്ങളെ അവതരിപ്പിച്ച ഫോട്ടോഗ്രാഫര്‍ എന്ന സിനിമയിലുടെ ശ്രദ്ധേയനായ ആദിവാസി ബാലനായിരുന്നു മണി. സിനിമ ഹിറ്റായതോടെ മണിയും അറിയപ്പെട്ടു തുടങ്ങിയിരുന്നു.

മികച്ച ബാലതാരം

രഞ്ജന്‍ പ്രമോദ് സംവിധാനം ചെയ്ത ചിത്രത്തിലുടെ മികച്ച പ്രകടനം കാഴ്ചവെച്ചതിന് മണിയ്ക്ക് സംസ്ഥാന സര്‍ക്കാരിന്റെ മികച്ച ബാല താരത്തിനുള്ള പുരസ്‌കാരം ലഭിച്ചിരുന്നു.

കാട്ടിലുടെ പാഞ്ഞ് നടക്കുന്ന പയ്യന്‍

ഫോട്ടോഗ്രാഫറായ മോഹന്‍ലാലിനെ ഫോട്ടോ എടുക്കുന്നതിനായി കാട് പരിചയപ്പെടുത്തി കൊടുക്കുന്ന താമി എന്ന പയ്യന്റെ വേഷത്തിലായിരുന്നു മണി ചിത്രത്തില്‍ അഭിനയിച്ചിരുന്നത്.

ദുരിതമായ ജീവിതം

സിനിമയിലുടെ ശ്രദ്ധിക്കപ്പെട്ടെങ്കിലും കുഞ്ഞു താരത്തിന്റെ ജീവിതം ദുരിതമായിരുന്നു. ജീവിക്കാനായി റോഡ് പണിക്കും മറ്റുമിറങ്ങുന്ന മണിയെ ആളുകള്‍ തിരിച്ചറിയുന്നതോടെ പലയിടത്തും നിന്നും ജോലി നഷ്ടപ്പെടുകയായിരുന്നു.