Click it and Unblock the Notifications
ജൂറിയ്ക്ക് കൃഷ്ണനും രാധയും കാണേണ്ടി വരും
എന്നാലിപ്പോള് കൃഷ്ണനും രാധയും അതീവ ശ്രദ്ധയോടെ കാണേണ്ട ഗതികേട് വന്നിരിയ്ക്കുകയാണ് ഒരു കൂട്ടമാളുകള്ക്ക്. വേറെയാര്ക്കുമല്ല ഈ വര്ഷത്തെ സംസ്ഥാന അവാര്ഡ് നിര്ണയ കമ്മിറ്റിയ്ക്കാണ് സന്തോഷ് പണ്ഡിറ്റിന്റെ 'സൂപ്പര്ഹിറ്റ് ചിത്രം' കണ്ട് മാര്ക്കിടേണ്ടി വരിക. ഫീച്ചര് വിഭാഗത്തിലാണ് ഈ ചിത്രം ഉള്പ്പെടുത്തിയിരിക്കുന്നത്.
ജൂലൈ ഏഴ് മുതല്ക്കാണ് കമ്മിറ്റിയ്ക്ക് മുമ്പാകെ സ്ക്രീനിംഗ് ആരംഭിച്ചത്.പ്രണയം, മൗനം, നായിക, ചാപ്പ കുരിശ്, ആദിമധ്യാന്തം, ദി ട്രയിന്, മാണിക്യക്കല്ല്, തുടങ്ങിയ ചിത്രങ്ങള് ജൂറി കണ്ടുകഴിഞ്ഞു. തമിഴ് ചലച്ചിത്ര നടനും സംവിധായകനുമായ ഭാഗ്യരാജ് അധ്യക്ഷനായ ജൂറിയാണ് സിനിമകള് കാണുന്നത്. ഈ മാസം 19നോ 20നോ പുരസ്കാരപ്രഖ്യാപനമുണ്ടാകുമെന്നാണ് റിപ്പോര്ട്ടുകള്.
കൃഷ്ണനും രാധയ്ക്കും എന്തെങ്കിലും പുരസ്കാരം കിട്ടുമെന്ന് പണ്ഡിറ്റ് പോലും പ്രതീക്ഷിയ്ക്കുന്നുണ്ടാവില്ല. ഇനിയിപ്പോള് മികച്ച പരീക്ഷണ സിനിമയെന്നോ ക്ഷമ പരീക്ഷിച്ച ചിത്രമെന്നോ വല്ല വിഭാഗത്തില് ഉള്പ്പെടുത്തി അവാര്ഡ് കൊടുക്കുമോയെന്നാണ് അറിയേണ്ടത്.
Continue with Google