പ്രേക്ഷകാഭിപ്രായത്തില്‍ മാത്രമല്ല കളക്ഷനിലും ഞെട്ടിച്ച് സണ്‍ഡേ ഹോളിഡേ!!! ആസിഫിന് ആശ്വാസം!!!

ഫസ്റ്റ് ഡേ കളക്ഷന്‍

ചിത്രത്തിന്റെ റിലീസിന് മുന്നോടിയായി യൂടൂബില്‍ റിലീസ് ചെയ്ത ഗാനങ്ങള്‍ പ്രേക്ഷകര്‍ ഏറ്റെടുത്തിരുന്നു. ഗാനങ്ങളുടെ മിടുക്ക് സണ്‍ഡേ ഹോളിഡേയുടെ ആദ്യ ദിന കളക്ഷനിലും പ്രകടമായിരുന്നു. കേരളത്തിലെ തിയറ്ററുകളില്‍ നിന്നും 76 ലക്ഷം രൂപയാണ് ചിത്രം ആദ്യദിനം നേടിയത്.

രണ്ടാം ദിനം മികച്ച മുന്നേറ്റം

ആദ്യദിനം ചിത്രത്തേക്കുറിച്ച് മികച്ച റിപ്പോര്‍ട്ടുകളാണ് പുറത്ത് വന്നത്. ഇത് രണ്ടാം ദിനം ചിത്രത്തിന് നേട്ടമായി. രണ്ടാം ദിനം ഒരു കോടിക്കടുത്ത് ചിത്രം നേടി. 1.72 കോടി രൂപയാണ് രണ്ട് ദിവസം കൊണ്ട് കേരളത്തിലെ തിയറ്ററുകളില്‍ നിന്നും ചിത്രം നേടിയത്.

ആദ്യവാരം നേട്ടമായി

അടുത്ത കാലത്തിറങ്ങിയ ആസിഫ് ചിത്രങ്ങളില്‍ നിന്ന് വ്യത്യസ്തമായി മികച്ച പ്രേക്ഷകാഭിപ്രായവും കളക്ഷനുമാണ് സണ്‍ഡേ ഹോളിഡേ നേടിയത്. ആദ്യവാരം കേരളത്തിലെ തിയറ്ററുകളില്‍ നിന്നും ചിത്രം നേടിയത് 4.83 കോടി രൂപയാണ്.

ബൈസിക്കിള്‍ തീവ്‌സിന് ശേഷം

ബൈസിക്കിള്‍ തീവ്‌സ് എന്ന ചിത്രത്തിന് ശേഷം ആസിഫ് അലിയെ നായകനാക്കി ജിസ് ജോയ് സംവിധാനം ചെയ്ത ചിത്രമാണ് സണ്‍ഡേ ഹോളി ഡേ. മൂന്ന് വര്‍ഷം കൊണ്ടാണ് ചിത്രത്തിന്റെ തിരക്കഥ പൂര്‍ത്തിയാക്കിയതെന്ന് ജിസ് ജോയ് അഭിമുഖങ്ങളില്‍ വ്യക്തമാക്കിയരുന്നു.

ഞായറാഴ്ച നടക്കുന്ന സംഭവം

ഒരു ഞായറാഴ്ച നടക്കുന്ന സംഭവും ഒരു ബാന്റ്‌സെറ്റ്കാരനായ അച്ഛന്റേയും മകന്റേയും കഥയും സമാന്തരമായി പറയുകയാണ് സണ്‍ഡേ ഹോളിഡേ എന്ന ചിത്രം. ആസിഫ് അലിയുടെ നായികയായി അപര്‍ണ ബാലമുരളി എത്തുന്നു. സിദ്ധിഖ് അലന്‍സിയര്‍ എന്നിവരും ശ്രദ്ധേയ കഥാപാത്രങ്ങളാകുന്നു.

അല്ലു അര്‍ജ്ജുന്റെ ശബ്ദം

മലയാളത്തിലേക്ക് മൊഴിമാറ്റിയെത്തുന്ന അല്ലു അര്‍ജുന്‍ ചിത്രങ്ങളിലെ അദ്ദേഹത്തിന് ശബ്ദം നല്‍കുന്നത് ജിസ് ജോയ് ആണ്. ഡബ്ബിംഗ് രംഗത്ത് ശ്രദ്ധേയനായ ജിസ് സംവിധായകനുന്ന രണ്ടാമത്തെ ചിത്രവും ഹിറ്റ് ചാര്‍ട്ടില്‍ ഇടം നേടിയിരിക്കുകയാണ്. ചിത്രത്തിലെ ഗാനങ്ങള്‍ എഴുതിയിരിക്കുന്നതും ജിസ് ആണ്.

ശ്രീനിവാസനും ലാല്‍ ജോസും

സണ്‍ഡേ ഹോളിഡേയിലെ പ്രധാന ആകര്‍ഷണമാണ് ശ്രീനിവാസനും ലാല്‍ ജോസും. തിരക്കഥാകൃത്താകാന്‍ ആഗ്രഹിക്കുന്ന അധ്യാപകനായി ശ്രീനിവാസന്‍ വേഷമിടുമ്പോള്‍ സംവിധായകന്റെ വേഷത്തിലാണ് ലാല്‍ ജോസ് ചിത്രത്തില്‍ എത്തുന്നത്.