For Quick Alerts
    ALLOW NOTIFICATIONS  
    For Daily Alerts

    ജനുവരിയില്‍ സ്വര്‍ണയ്ക്ക് രണ്ട് റിലീസുകള്‍

    By Lakshmi
    |

    ബാല്‍ക്കണിയില്‍ നിന്നും വീണ് പരുക്കേറ്റ് ചികിത്സയില്‍ക്കഴിഞ്ഞ യുവനടി സ്വര്‍ണ തോമസിന് 2013ല്‍ ആറുമാസത്തോളമാണ് കരിയറില്‍ നഷ്ടപ്പെട്ടത്. ചില ചിത്രങ്ങളുടെ ചിത്രീകരണം പാതിവഴിയിലായപ്പോഴാണ് സ്വര്‍ണ അപകടം പറ്റി ആശുപത്രിയിലായത്. ഇപ്പോള്‍ താരം തിരിച്ചുവരുകയാണ്.

    ഏഴുന്നേറ്റുനടക്കാന്‍ ബുദ്ധിമുട്ടാകുമെന്നുള്ള ഡോക്ടര്‍മാരുടെ പ്രവചനത്തെ തിരുത്തി പൂര്‍ണ ആരോഗ്യത്തോടെ തിരിച്ചെത്തുകയാണ് സ്വര്‍ണ തോമസ്. വളരെ നേരത്തേ ചിത്രീകരണം തുടങ്ങിയ പ്രണയകഥ, ഫ്‌ളാറ്റ്‌ നമ്പര്‍ 4ബി എന്നീ ചിത്രങ്ങളാണ് സ്വര്‍ണയുടേതായി റിലീസിനൊരുങ്ങുന്നത്. രണ്ട് ചിത്രങ്ങളും ജനുവരിയില്‍ത്തന്നെ റിലീസ് ചെയ്യുമെന്നാണ് സൂചന.

    Swarna Thomas

    പ്രണയകഥ പേരുപോലെതന്നെ ഒരു റൊമാന്റിക് ചിത്രമാണ്. പ്ലസ് ടു വിദ്യാര്‍ത്ഥിനിയായ റിത എന്ന കഥാപാത്രമായാണ് സ്വര്‍ണ ഈ ചിത്രത്തില്‍ എത്തുന്നത്. കാമ്പസ് പ്രണയമാണ് ചിത്രത്തിന്റെ പ്രമേയം. റിതയുടെയും കാമുകന്റെയും രക്ഷിതാക്കള്‍ പ്രണയത്തെക്കുറിച്ച് അറിയുന്നതോടെയാണ് ചിത്രത്തിന്റെ കഥാഗതിമാറുന്നത്. തുടര്‍ന്ന് ഇവര്‍ ഒളിച്ചോടി വിവാഹം കഴിയ്ക്കാന്‍ തീരുമാനിയ്ക്കുകയാണ്. പിന്നീട് ഇവര്‍ക്കുമുന്നില്‍ റിതയുടെ പ്രായം പ്രശ്‌നമാകുന്നു.

    റിതയ്ക്ക് 18 വയസാകുന്നതുവരെ യാത്രചെയ്യാന്‍ തീരുമാനിയ്ക്കുകയാണ് ഇരുവരും. അരുണ്‍ നാരായണനാണ് ചിത്രത്തില്‍ സ്വര്‍ണയുടെ ജോഡിയായി എത്തുന്നത്. ഗോവിന്ദന്‍കുട്ടിയും ഒരു പ്രധാന റോളില്‍ എത്തുന്നുണ്ട്. ഷെഹ്നാസ് മൂവി ക്രിയേഷന്‍സിന്റെ ബാനറില്‍ ഫോറോസ് ആണ് ചിത്രം നിര്‍മ്മിക്കുന്നത്.

    രണ്ടാമത്തെച്ചിത്രമായ ഫ്‌ളാറ്റ്‌ നമ്പര്‍ 4ബി തീര്‍ത്തും വ്യത്യസ്തമായ ചിത്രമാണെന്നാണ് സ്വര്‍ണ പറയുന്നത്. പ്രണയകഥയിലെ റിത ഒരു സമ്പന്നകുടുംബാംഗമാണെങ്കില്‍ ഫ്‌ളാറ്റ്‌നമ്പര്‍ 4ബിയിലെ നേവതി ഇടത്തരം കുടുംബത്തില്‍ നിന്നുള്ളയാളാണ്. അച്ഛന്‍-മകള്‍ ബന്ധത്തെ മുന്‍നിര്‍ത്തിയുള്ള കഥയാണ് ഈ ചിത്രം പറയുന്നത്.

    സ്വര്‍ണ അഭിനയിക്കുന്ന മറ്റൊരു ചിത്രമാണ് ടു ലെറ്റ് അമ്പാടി ടാക്കീസ്. ഈ ചിത്രം ഫെബ്രുവരിയിലാണ് റിലീസ് ചെയ്യുക.

    English summary
    Actress Swarna Thomas is all excited now. Two of her movies - Pranayakadha and Flat No 4B are all set to get released this month
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X