തബു വീണ്ടും മലയാളത്തിലേക്ക്

ബോളിവുഡിലെ പ്രശസ്ത നടിയും മലയാളികളുടെ പ്രിയതാരവുമായ തബു വീണ്ടും മലയാളത്തിലേക്ക്. കാലാപാനി എന്ന ചിത്രത്തിലൂടെയാണ് തബു ആദ്യമായി മലയാളികളുടെ പ്രിയതാരമായി മാറിയത്. അതിനുശേഷം കവര്‍സ്‌റ്റോറി, ഉറുമി എന്നീ ചിത്രങ്ങളിലും തബു അഭിനയിച്ചിരുന്നു. പിന്നീട് തബുവിനെ മലയാളി പ്രേക്ഷകര്‍ കാണുന്നത് ഉറുമിയിലെ ചെറുവേഷത്തിലൂടെയാണ്.

ഒരിടവേളയ്ക്ക് ശേഷം അജി ജോണ്‍ സംവിധാനം ചെയ്യുന്ന ആംഗ്രിബേര്‍ഡ് എന്ന ചിത്രത്തിലാണ് തബു മുഴുനീള കഥാപാത്രത്തെ അവതരിപ്പിക്കാന്‍ വീണ്ടും മലയാളത്തിലേക്ക് എത്തുകയാണ്.. കൂടുതല്‍ താരങ്ങളെ അണിനിരത്തിക്കൊണ്ട് ചെയ്യാന്‍ ഉദ്ദേശിക്കുന്ന ചിത്രമാണിത്. മംമ്ത മോഹന്‍ദാസ്, ഭാവന, റീമ കല്ലിംഗല്‍ എന്നിവരും തബുവിനൊപ്പം ചിത്രത്തില്‍ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
അനൂപ് മേനോനാണ് ചിത്രത്തിന്റെ തിരകഥ രചിക്കുന്നത്.

മലയാളത്തിനു പുറമേ തമിഴ്, തെലുങ്ക്, മറാത്തി, ബംഗാളി എന്നീ ഭാഷകളിലും ബോളിവുഡ് താരമായ തബു അഭിനയിച്ചിട്ടുണ്ട്. അനൂപ്‌മേനോന്‍, ജയസൂര്യ, ഹണിറോസ് എന്നിവര്‍ അഭിനയിക്കുന്ന ഹോട്ടല്‍ കാലിഫോര്‍ണിയയുടെ ഷൂട്ടിങ്ങിന്റെ തിരക്കുകളിലാണ് അജി ജോണ്‍ അതുകഴിഞ്ഞാലുടന്‍ ആംഗ്രിബേര്‍ഡ്‌സിന്റെ ചിത്രീകരണം ആരംഭിക്കുമെന്നും സംവിധായകന്‍ പറഞ്ഞു.