പൂരങ്ങളുടെ പൂരമായ തൃശ്ശൂര്‍ പൂരത്തിന്റെ ശരിക്കുള്ള സൗണ്ട് കേട്ടിട്ടുണ്ടോ.. കേള്‍ക്കണോ..??

ദ സൗണ്ട് സ്റ്റോറി

തൃശ്ശൂര്‍ പൂരത്തിന്റെ ശബ്ദ വിരുന്നിനെ കുറിച്ചാണ് ദ സൗണ്ട് സ്റ്റോറി എന്ന ചിത്രം കഥ പറയുന്നത്. അന്ധനായ ഒരാളുടെ പൂരത്തിന്റെ അനുഭവമാണ് സിനിമ. തൃശ്ശൂര്‍ പൂരത്തിന്റെ ശബ്ദങ്ങളെല്ലാം പൂക്കുട്ടി ഒപ്പിയെടുത്തിട്ടുണ്ട്.

കഥ - തിരക്കഥ- സംവിധാനം

റസൂല്‍ പൂക്കുട്ടിയുടെ ആശയത്തില്‍ നിന്ന് പ്രശാന്ത് പ്രഭാകരാണ് ദ സൗണ്ട് സ്റ്റോറി കഥയും തിരക്കഥയും എഴുതി സംവിധാനം ചെയ്യുന്നത്. രാഹുല്‍ രാജാണ് ചിത്രത്തിന്റെ സംഗീത സംവിധാനം നിര്‍വ്വഹിച്ചിരിയ്ക്കുന്നത്.

പൂരത്തിന്റെ ശബ്ദ വിരുന്ന്

കഴിഞ്ഞ തൃശ്ശൂര്‍ പൂരത്തിന്റെ ശബ്ദം തത്സമയം റെക്കോഡ് ചെയ്തതാണ് സിനിമയില്‍ ഉള്‍പ്പെടുത്തിയിരിയ്ക്കുന്നത്. റസൂല്‍ പൂക്കുട്ടി തന്നെയാണ് ചിത്ത്രതിന്റെ ശബ്ദമിശ്രണം നിര്‍വ്വഹിച്ചിരിയ്ക്കുന്നത്.

മമ്മൂട്ടി പറഞ്ഞത്

തൃശ്ശൂര്‍ പൂരത്തെ അറിയാവുന്ന, തൃശ്ശൂര്‍ പൂരം ഒരിക്കലെങ്കിലും കണ്ടിട്ടുള്ള ഒരാള്‍ക്ക് ഈ 'ശ്രവ്യ കാവ്യം' ഒരു പുതിയ അനുഭവമായിരിയ്ക്കും എന്ന് മമ്മൂട്ടി ഓഡിയോ ലോഞ്ച് ചടങ്ങ് നിര്‍വ്വഹിച്ച ശേഷം പറഞ്ഞു

ഞാനല്ല നടന്‍

എന്റെ ആദ്യ സിനിമ, ഞാന്‍ നായകനാകുന്ന ആദ്യ സിനിമ അങ്ങനെ ഒരു സിനിമ അല്ല ഇത്. പൂരമാണ് ഈ സിനിമയുടെ ഹീറോ. കണ്ണ് കാണാന്‍ കഴിയാത്ത ആള്‍ക്കാരാണ് സിനിമയുടെ ഹീറോ. അവര്‍ക്ക് വേണ്ടിയിട്ടുള്ളതാണ് ഈ സിനിമ.

ഏപ്രിലില്‍ റിലീസ്

രാജീവ് പനയ്ക്കല്‍ നിര്‍മിക്കുന്ന ചിത്രം ഏപ്രില്‍ മാസത്തോടെ തിയേറ്ററിലെത്തും എന്നാണ് പ്രതീക്ഷ. നാല് ഭാഷകളിലായിട്ടാണ് ചിത്രം റിലീസ് ചെയ്യുന്നത്.

ഡോക്യുമെന്ററി

പൂരങ്ങളുടെ ശബ്ദം പൂര്‍ണമായും ആസ്വദിക്കാന്‍ 'എ ട്രാവലോഗ് വിത്ത് റസൂല്‍ പൂക്കുട്ടി' എന്ന നാലര മണിക്കൂര്‍ ദൈര്‍ഘ്യമുള്ള ഡോക്യുമെന്ററിയും ഒരുക്കുന്നുണ്ട്.