മുരുകനോട് മത്സരിച്ച തോപ്പില്‍ ജോപ്പന്റെ 21 ദിവസത്തെ ആകെ കലക്ഷന്‍; ഇത് മോശമാണോ?

ഇത് മോശം കലക്ഷനാണോ

21 ദിവസം കൊണ്ട് തോപ്പില്‍ ജോപ്പന്‍ ആകെ നേടിയ കലക്ഷന്‍ 12.4 കോടി രൂപയാണ്. ഇന്ത്യയ്ക്ക് പുറത്തെ കലക്ഷന്‍ റിപ്പോര്‍ട്ട് ഇതുവരെ പുറത്ത് വിട്ടിട്ടില്ല. ഒരു സാധാരണ ചിത്രമെന്ന നിലയില്‍ ഈ കലക്ഷന്‍ ഒട്ടും മോശമല്ല എന്നാണ് ട്രേഡ് അനലൈസ് റിപ്പോര്‍ട്ട്.

നെറ്റും, ഷെയറും

21 ദിവസത്തെ പ്രദര്‍ശനത്തിലൂടെ 10.03 കോടി രൂപ നെറ്റ് കലക്ഷന്‍ വഴിയും 5.68 കോടി രൂപ ഷെയറിലൂടെയുമാണ് തോപ്പില്‍ ജോപ്പന്‍ നേടിയത്.

മികച്ച തുടക്കം

പുലിമുരുകനെ പോലെ ഒരു ബ്രഹ്മാണ്ഡ ചിത്രത്തിനൊപ്പം റിലീസ് ചെയ്ത തോപ്പില്‍ ജോപ്പന്‍ ആദ്യ ദിവസം തന്നെ 1.55 കോടി രൂപ കലക്ഷന്‍ നേടിയിട്ടുണ്ട്. ഇപ്പോഴും ചിത്രം വിജയകരമായി പ്രദര്‍ശനം തുടരുകയാണ്.

ജോണി ആന്റണി - മമ്മൂട്ടി കൂട്ടുകെട്ട്

ജോണി ആന്റണി - മമ്മൂട്ടി കൂട്ടുകെട്ടിന്റെ തിരിച്ചുവരവായിട്ടാണ് തോപ്പില്‍ ജോപ്പനെ കാണുന്നത്. തുടക്കത്തില്‍ തന്നെ തുറുപ്പുഗുലാന്‍ പോലൊരു ഹിറ്റ് നല്‍കിയ ഈ കൂട്ടുകെട്ടിന്റെ പട്ടണത്തില്‍ ഭൂതം, താപ്പാന എന്നീ ചിത്രങ്ങള്‍ പ്രതീക്ഷിച്ച വിജയം നേടിയിരുന്നില്ല. തോപ്പില്‍ ജോപ്പന്‍ ഒരിക്കലും നിരാശപ്പെടുത്തുന്ന ചിത്രമല്ല.