കോട്ടയം കുഞ്ഞച്ചനല്ല തോപ്പില്‍ ജോപ്പന്‍, രണ്ട് പേര്‍ക്കും വ്യത്യാസങ്ങളുണ്ട്

തോപ്പില്‍ ജോപ്പനോ?

എന്നാല്‍ തോപ്പില്‍ ജോപ്പന് കോട്ടയം കുഞ്ഞച്ചന്റെ ചില സാമ്യതകളൊക്കെ കാണുന്നുണ്ട് എന്ന് ടീസറും ട്രെയിലറും ഇറങ്ങിയതുമുതല്‍ ആരാധകര്‍ പറയുന്നു. മറ്റൊന്നുമല്ല കോട്ടയം കുഞ്ഞച്ചനെ പോലെ തോപ്പില്‍ ജോപ്പനും ഹാസ്യ നായക കഥാപാത്രമാണ്.

ബന്ധമില്ല എന്ന് എഴുത്തുകാരന്‍

എന്നാല്‍ കോട്ടയം കുഞ്ഞച്ചനുമായ തോപ്പില്‍ ജോപ്പനെ ഒരു തരത്തിലും സാമ്യപ്പെടുത്താന്‍ കഴിയില്ല എന്ന് എഴുത്തുകാരന്‍ നിഷാദ് കോയ പറയുന്നു. രണ്ട് കഥാപാത്രങ്ങളും കോട്ടയത്തുകാരന്‍ അച്ചായനാണെന്നതൊഴിച്ചാല്‍ ഒരു സാമ്യവും ഇല്ലെന്നാണ് നിഷാദ് പറയുന്നത്.

മമ്മൂട്ടി ഏറ്റെടുക്കാന്‍ തന്നെ കാരണം

ശുദ്ധ നര്‍മ്മ രസമുള്ള, കൗതുകകരമായ ഒരു കഥാപാത്രമാണ് തോപ്പില്‍ ജോപ്പന്‍. കോമഡി പറയുന്നതിന്റെ സ്റ്റൈല്‍ പോലും വേറിട്ടു നില്‍ക്കുന്നു. അത് തന്നെയാണ് മമ്മൂട്ടിയെ ഏറ്റവും കൂടുതല്‍ ആകര്‍ഷിച്ചത്. രണ്ടാമത് ഒരാലോചന നടത്താതെയാണ് മമ്മൂട്ടി ഈ പ്രൊജക്ടില്‍ ഒപ്പുവച്ചത്.

ആരാണ് തോപ്പില്‍ ജോപ്പന്‍?

ഇടുക്കി ജില്ലയിലെ തൊപ്രാംകുടിയില്‍ തോട്ടമുടമസ്ഥനായ മധ്യവയസ്‌കനാണ് തോപ്പില്‍ ജോപ്പന്‍. അത്യാവശ്യം കബടിക്കമ്പമുണ്ട്. ഇടുക്കി സ്ലാങിലാണ് മമ്മൂട്ടി സംസാരിക്കുന്നത്. വളരെ യാഥാര്‍ത്ഥ്യമായി, യാതൊരു അമാനുഷികയതയും ഇല്ലാത്ത സാധാരണ കഥാപാത്രമാണ് തോപ്പില്‍ ജോപ്പന്‍ എന്ന് നിഷാദ് കോയ പറഞ്ഞു.