Click it and Unblock the Notifications
തുടര്ച്ചയായി മൂന്ന് മമ്മൂട്ടി ചിത്രങ്ങള്
രഞ്ജിത്ത് സംവിധാനം ചെയ്യുന്ന മാത്തുക്കുട്ടിയാണ് ആദ്യം തിയറ്ററിലെത്തുന്നത്. പെരുന്നാളിനും ഓണത്തിനും ഇടയിലാണ് ചിത്രമെത്തുക. ബാലചന്ദ്രമേനോന്, സിദ്ദീഖ്, ടിനി ടോം, മുത്തുമണി എന്നിവരാണ് പ്രധാന താരങ്ങള്. വര്ഷങ്ങള്ക്കു മുന്പ് ജര്മനിയിലേക്കു കുടിയേറിയ മാത്തുക്കുട്ടിയായിട്ടാണ് മമ്മൂട്ടി അഭിനയിക്കുന്നത്. മോഹന്ലാല്, ദിലീപ്, ജയറാം എന്നിവര് അതിഥി താരങ്ങളായി അഭിനയിക്കുന്നുണ്ട്.
ഓണത്തോടനുബന്ധിച്ച് സലിം അഹമ്മദിന്റെ കുഞ്ഞനന്തന്റെ കട തിയറ്ററിലെത്തും.നൈലയാണ് നായിക. സലിം കുമാര് പ്രധാന വേഷം ചെയ്യുന്നുണ്ട്. കുഞ്ഞനന്തന്റെ കടയാണ് ആദ്യം ചിത്രീകരണം തുടങ്ങിയതെങ്കിലും പൂര്ത്തിയാകാന് വൈകി. റസൂല് പൂക്കുട്ടിയാണ് ശബ്ദ റെക്കോര്ഡിങ് ചെയ്യുന്നത്.
ഇതിനു ശേഷം മാര്ത്താണ്ഡന് സംവിധാനം ചെയ്യുന്ന ദൈവത്തിന്റെ സ്വന്തം കഌറ്റസ് എത്തും. ഇതില് നാടകക്കാരനായിട്ടാണ് മമ്മൂട്ടി അഭിനയിക്കുന്നത്. ഹണി റോസ് ആണ നായിക.
Continue with Google