ടൊവിനോയ്ക്ക് പിഴച്ചുവോ? കുപ്രസിദ്ധ പയ്യന്‍ കലക്ഷന്‍ പ്രകടനം? 'സര്‍ക്കാര്‍' പണിയാവുമോ? കാണൂ!

കൊച്ചി മള്‍ട്ടിപ്ലക്‌സില്‍ 13 പ്രദര്‍ശനം

ടൊവിനോ തോമസിന് മികച്ച സ്വീകാര്യതയും പിന്തുണയുമാണ് ഇപ്പോള്‍ ലഭിച്ചുകൊണ്ടിരിക്കുന്നത്. ഏത് തരത്തിലുള്ള കഥാപാത്രത്തെയും അനായാസമാക്കി തന്നിലേക്ക് ആവാഹിക്കാന്‍ കെല്‍പ്പുള്ള താരമായി മാറിയിട്ടുണ്ട് അദ്ദേഹം. അജയനെന്ന കഥാപാത്രത്തെ അവതരിപ്പിക്കാന്‍ടൊവിനോയെ തിരഞ്ഞെടുക്കാന്‍ മധുപാലിനെ പ്രേരിപ്പിച്ചതും ഇക്കാര്യമായിരുന്നു. വ്യത്യസ്തമായ മാനസികാവസ്ഥയിലൂടെ കടന്നുപോകുന്ന കഥാപാത്രമാണ് അജയന്‍. ഇത് ടൊവിനോയില്‍ ഭദ്രമാണെന്നായിരുന്നു അദ്ദേഹം പറഞ്ഞത്. സിനിമ കണ്ട പ്രേക്ഷകരും ഇക്കാര്യം ശരിവെക്കുകയായിരുന്നു. റിലീസ് ദിനത്തില്‍ 13 പ്രദര്‍ശനങ്ങളായിരുന്നു കൊച്ചി മള്‍ട്ടിപ്ലക്‌സില്‍. വരുംദിനങ്ങളില്‍ ഇത് വര്‍ധിച്ചേക്കുമെന്നാണ് പൊതുവിലുളള വിലയിരുത്തല്‍.

ആദ്യദിനത്തില്‍ നേടിയത്

63.76 ശതമാനം ഒക്യുപെന്‍സിയോടെ 3.33 ലക്ഷം രൂപയാണ് കൊച്ചി മള്‍ട്ടിപ്ലക്‌സില്‍ നിന്നും ചിത്രം സ്വന്തമാക്കിയതെന്നുള്ള റിപ്പോര്‍ട്ടുകളാണ് ഇപ്പോള്‍ പുറത്തുവന്നിട്ടുള്ളത്. സിനിമയുടെ നിര്‍മ്മാതാക്കള്‍ പുറത്തുവിടുന്ന കണക്കുകള്‍ക്കായി കാത്തിരിക്കുകയാണ് ആരാധകര്‍. തുടക്കത്തില്‍ മികച്ച സ്വീകാര്യത നേടിയ ചിത്രത്തിന്റെ കലക്ഷനും ഒക്യുപെന്‍സിയും വര്‍ധിക്കുമെന്നുള്ള വിലയിരുത്തലുകളാണ് പുറത്തുവന്നിട്ടുള്ളത്.

തീവണ്ടിയുമായി താരതമ്യപ്പെടുത്തുമ്പോള്‍

ടൊവിനോ തോമസിന്റെ മുന്‍ ചിത്രമായ തീവണ്ടിയുമായി താരതമ്യപ്പെടുത്തുമ്പോള്‍ കലക്ഷനില്‍ വലിയ വ്യത്യാസമുണ്ട്. തികച്ചും വ്യത്യസ്തമായ പ്രമേയമാണ് ഇരുചിത്രത്തിന്റേതും. ആദ്യ ദിനത്തില്‍ 9 ലക്ഷമായിരുന്നു തീവണ്ടിക്ക് ലഭിച്ചത്. ആദ്യ ദിന കലക്ഷന്റെ അന്തിമ റിപ്പോര്‍ട്ട് പുറത്തുവന്നാലെ ഇക്കാര്യത്തെക്കുറിച്ച് കൂടുതല്‍ മനസ്സിലാക്കാനാവുകയുള്ളൂ.

വരുംദിനങ്ങളില്‍ പ്രതീക്ഷ

വരുംദിനങ്ങളില്‍ സിനിമയുടെ കലക്ഷന്‍ വര്‍ധിക്കുമെന്നാണ് ആരാധകരുടെ വിലയിരുത്തല്‍. വാരാന്ത്യങ്ങളില്‍ സിനിമ കാണാനെത്തുന്നവരിലാണ് അണിയറപ്രവര്‍ത്തകരുടെ പ്രതീക്ഷ. വിജയ് ചിത്രമായ സര്‍ക്കാര്‍, ബോളിവുഡ് ചിത്രമായ തഗ്‌സ് ഓഫ് ഹിന്ദുസ്ഥാന്‍ തുടങ്ങിയ സിനിമകള്‍ മുന്നേറുന്നതിനിടയിലാണ് കുപ്രസിദ്ധ പയ്യനും പ്രേക്ഷകര്‍ക്ക് മുന്നിലേക്കെത്തിയത്.