കൽപ്പന ചേച്ചി പ്രേമത്തെ കുറിച്ചു പറഞ്ഞു!! അച്ഛൻ ഒറ്റയടി, അന്ന് കിട്ടിയ തല്ലിനെ കുറിച്ച് ഉർവ്വശി

പ്രേമത്തെ കുറിച്ച് പറഞ്ഞപ്പോൾ തല്ലു കിട്ടി

ഒരു സിനിമ കഥ പങ്കുവയ്ക്കുന്നതിനിടെയാണ് കൽപ്പനയുടെ വായിൽ നിന്ന് പ്രേമം എന്നൊരു വാക്ക് വീണത്. സിനിമയിൽ ശിവാജി ഗണേശൻ അവരെ പ്രേമിക്കുകയാണെന്നായിരുന്നു സിനിമയിലെ ആ സഭാഷണം. എന്നാൽ ഇത് കേട്ട് കൊണ്ട് അച്ഛൻ അടുത്തേയ്ക്ക് വന്നു. എന്നീട്ട് ചോദിച്ചു എന്താ മക്കളെ പ്രേമം . ചേച്ചി ഉടൻ പറഞ്ഞു,അച്ഛാ അത് അവർ രണ്ടു പേരും ഭയങ്കര പ്രേമമായിട്ട് കല്യാണം കഴിച്ചു. അതാണ് പ്രേമം.

ഒറ്റയടി

അന്ന് കൽപ്പനയ്ക്ക് 12 വയസ്സ് മാത്രമായിരുന്നു പ്രായം . അച്ഛൻ ഉടൻ തന്നെ കവിളിൽ ഒരു അടിവെച്ചു കൊടുത്തു. ആ ആടിയിൽ വായിൽ നിന്ന് ചോരയൊക്കെ വന്നിരുന്നു. ഇന്നും ഈ സംഭവം ഒർക്കുന്നുവെന്നും ഉർവ്വശി പറഞ്ഞു. എന്റെ ഉമ്മാന്റെ പേര് എന്ന ചിത്രത്തിന്റെ വിശേഷങ്ങൾ പങ്കുവെയ്ക്കുന്നതിനിടെയാണ് ഇക്കാര്യം പറഞ്ഞത്. ഉർവ്വശിക്കൊപ്പം ടൊവിനോയും ഉണ്ടായിരുന്നു.

പണ്ടത്തെ ആളുകളുടെ മനസ്സ്

പണ്ടത്തെ കാലത്ത് മക്കൾ അടുത്തിരിക്കുമ്പോൾ അച്ഛനമ്മമാർ ഉമ്മ രംഗങ്ങൾ പോലും ടിവിയിൽ കാണില്ലായിരുന്നു. മക്കളുള്ളപ്പോൾ ഇങ്ങനെയൊരു രംഗം വന്നാൽ ഇറങ്ങി ഓടണോ എന്നുള്ള ചിന്തയായിരുന്നു പലർക്കും. അതു കൊണ്ടാവാം ചുംബന രംഗങ്ങളുളള സിനിമകൾ ഇന്നും ആളുകൾ എതിർക്കുന്നത്. തന്റെ വീട്ടിൽ നടന്ന മറ്റൊരു രസകരമായ സംഭവവും ഉർവ്വശി ഈ അവസരത്തിൽ പങ്കുവെച്ചു.

ഇംഗ്ലീഷ് സിനിമയുടെ കാസ്റ്റ്

പണ്ട് എന്റെ സഹോദരൻ സുഹൃത്തുക്കളുടെ കയ്യിൽ നിന്ന് ഇംഗ്ലീഷ് സിനിമയുടെ സിഡികൾ വാങ്ങി കൊണ്ട് വരുമായിരുന്നു. അതിനുളളിൽ ചില സംഗതികൾ ഉണ്ട്. ഇത് നേരത്തെ കൂട്ടുകാരുടെ വീട്ടില‌ിരുന്നു കണും. എന്നിട്ട് വീട്ടിൽ വന്ന് കാസ്റ്റ് കാണുമ്പോൾ ഈ രംഗങ്ങൾ വരുമ്പോൾ ഓടിച്ചു കളയുമായിരുന്നു. അന്ന് അമ്മൂമ്മയൊക്കെ ചോദിക്കും ആ സീൻ കാണണ്ടേയെന്ന്. എന്നാൽ അന്ന് ആങ്ങള അനുഭവിച്ച ടെൻഷൻ പിന്നെ കുറെ കാലം കഴിഞ്ഞിട്ടാണ് തങ്ങൾക്ക് മനസ്സിലായത്.