പ്രേമത്തിനും ബാംഗ്ലൂര്‍ ഡെയ്‌സിനും പിന്നാലെ ഉസ്താദ് ഹോട്ടലും... ഇക്കുറി കന്നട വധം!

ഉസ്താദ് ഹോട്ടല്‍ കന്നടയിലേക്ക്

ദുല്‍ഖര്‍ സല്‍മാനെ നായകനാക്കി അന്‍വര്‍ റഷീദ് സംവിധാനം ചെയ്ത ചിത്രമാണ് ഉസ്താദ് ഹോട്ടല്‍. മലയാളത്തില്‍ സൂപ്പര്‍ ഹിറ്റായി മാറിയ ചിത്രത്തില്‍ ശക്തമായ കഥാപാത്രമായി തിലകനും വേഷമിട്ടരുന്നു. ചിത്രം കന്നടയിലേക്ക് റീമേക്ക് ചെയ്യുകയാണ്.

ഗൗദ്രു ഹോട്ടല്‍

ഉസ്താദ് ഹോട്ടല്‍ കന്നടത്തിലേക്ക് എത്തുമ്പോള്‍ ഗൗദ്രു ഹോട്ടലായി മാറുന്നു. ദുല്‍ഖര്‍ ചെയ്ത ഫൈസി എന്ന കഥാപാത്രമായി പുതുമുഖം രചന്‍ ചന്ദ്രയും തിലകന്‍ അവിസ്മരണീയമാക്കിയ കരിം ഇക്ക എന്ന കഥാപാത്രത്തെ പ്രകാശ് രാജും അവതരിപ്പിക്കും. നായികയായി എത്തുന്നത് വേദികയാണ്.

എന്തിനാണ് ഈ ദ്രോഹം?

ഗുദ്രു ഹോട്ടലിന്റെ ട്രെയിലര്‍ പുറത്തിറങ്ങിയതോടെ ചിത്രത്തിന് ട്രോളുകളുമായി മലയാളികള്‍ രംഗത്തെത്തി. ഞങ്ങോട് എപ്പോഴും എന്തിനാണ് ഈ ദ്രോഹം എന്നായിരുന്നു മലയാളികളുടെ ആദ്യ ചോദ്യം. ഉസ്താദ് ഹോട്ടലിന്റെ പാരഡി എന്നാണ് ഗുദ്രു ഹോട്ടലിനെ വിശേഷിപ്പിക്കുന്നത്.

ആകെയുള്ള ആശ്വാസം പ്രകാശ് രാജ്

പൊന്‍കുമരന്‍ സംവിധാനം ചെയ്യുന്ന ഈ ചിത്രത്തില്‍ ആകെ പ്രതീക്ഷ നല്‍കുന്ന ഒന്ന് പ്രകാശ് രാജിന്റെ സാന്നിദ്ധ്യമാണെന്നാണ് മലയാളി പ്രക്ഷേകര്‍ പറയുന്നത്. എന്നാല്‍ തിലകന് പകരമാകാന്‍ പ്രകാശ് രാജിന് സാധിക്കില്ലെന്ന്് അഭിപ്രായപ്പെടുന്നവരും ഉണ്ട്.

ചങ്ക് തകര്‍ത്ത റീമേക്കുകള്‍

അടുത്ത കാലത്ത് മലയാളത്തില്‍ നിന്ന് തെന്നിന്ത്യന്‍ ഭാഷകളിലേക്ക് പോയ റീമേക്കുകള്‍ മലയാളി പ്രേക്ഷകരുടെ ഹൃദയം തകര്‍ക്കുന്നവയായിരുന്നു. പ്രേമം തെലുങ്കിലേക്ക് എത്തിയപ്പോഴും ബാംഗ്ലൂര്‍ ഡേയ്‌സ് തമിഴിലേക്ക് എത്തിയപ്പോഴും സ്ഥിതി മറിച്ചായിരുന്നില്ല.

പണ്ടും കന്നട റീമേക്കുകള്‍

ദിലീപിന്റെ സൂപ്പര്‍ ഹിറ്റ് ചിത്രം കുഞ്ഞിക്കൂനന്‍, മമ്മൂട്ടിയുടെ രാജമാണിക്യം എന്നിവയുടെ കന്നടയില്‍ റിമേക്ക് ചെയ്തിരുന്നു എന്നാല്‍ മലയാള ചിത്രങ്ങളുടെ നിലവാരം പുലര്‍ത്താന്‍ ഇവയ്ക്ക് സാധിച്ചില്ലെന്ന വിമര്‍ശനം ഇപ്പോഴും ഈ ചിത്രങ്ങള്‍ക്കുണ്ട്. അതേ സമയം കുഞ്ഞിക്കൂനന്‍ തമിഴില്‍ സൂര്യ മനോഹരമാക്കിയിരുന്നു.