മമ്മൂട്ടിയുടെ നായിക വീണ്ടും മലയാളത്തില്‍, സമുദ്രക്കനിയുടെ ആദ്യ സംവിധാന സംരംഭം!!

രണ്ടാമത്തെ ചിത്രത്തില്‍ ജയറാമിനോടൊപ്പം

കുടുംബ പ്രേക്ഷകരെ ലക്ഷ്യമിട്ട് ഒരുക്കുന്ന ചിത്രത്തില്‍ ജയറാമിന്റെ ഭാര്യയുടെ വേഷം അവതരിപ്പിക്കുന്നത് വരലക്ഷമിയാണ്. ജയറാമിന്റെ ആരാധികയായ താന്‍ ഏറെ എക്‌സൈറ്റഡ് ആണെന്ന് താരം ടൈംസ് ഓഫ് ഇന്ത്യയ്ക്ക് നല്‍കിയ അഭിമുഖത്തില്‍ പ്രതികരിച്ചു.

രണ്ടാമതൊന്നും ആലോചിച്ചില്ല

ചിത്രത്തില്‍ അഭിനയിക്കുന്നതിനായി രണ്ടാമതൊന്നും ആലോചിക്കാതെയാണ് താന്‍ സമ്മതം മൂളിയത്. കഥാപാത്രത്തെക്കുറിച്ചുള്ള വിവരങ്ങളൊന്നും ആദ്യം പറഞ്ഞിരുന്നില്ല. സമുദ്രക്കനിയുമായി ഒരുമിച്ച് ജോലി ചെയ്യാന്‍ കിട്ടുന്ന അവസരം സ്വീകരിക്കുകയായിരുന്നുവെന്നും താരം പറഞ്ഞു.

മോഹന്‍ലാല്‍ ചിത്രത്തിലൂടെ ശ്രദ്ധിക്കപ്പെട്ടു

മോഹന്‍ലാല്‍ ചിത്രമായ ഒപ്പം, ശിക്കാറിലൂടെയാണ് സമുദ്രക്കനിയെ മലയാളി പ്രേക്ഷകര്‍ കണ്ടത്. തമിഴില്‍ നിരവധി ഹിറ്റ് സിനിമകള്‍ സംവിധാനം ചെയ്ത സമുദ്രക്കനി ഇതാദ്യമായാണ് ഒരു മലയാള ചിത്രം ഒരുക്കുന്നത്.