കസബ കണ്ട് തീരുമാനിച്ചു, വരലക്ഷ്മിയെ പുറത്താക്കിയതിന് പിന്നിലെ കാരണങ്ങള്‍ ഞെട്ടിപ്പിക്കുന്നത് !!

പുറത്താവാന്‍ കാരണം ??

ചിത്രീകരണം ആരംഭിച്ച് ദിവസങ്ങള്‍ കഴിഞ്ഞതിനു ശേഷമാണ് സിനിമയില്‍ നിന്നും പുറത്താക്കിയെന്നുള്ള വിവരം തനിക്ക് ലഭിച്ചതെന്നാണ് വരലക്ഷ്മി പറഞ്ഞത്. നിര്‍മ്മാതാക്കളുമായുള്ള തര്‍ക്കം കാരണമാണ് നടി പുറത്തായതെന്ന റിപ്പോര്‍ട്ടുകളും പ്രചരിക്കുന്നുണ്ട്.

ഞാന്‍ ആ സിനിമ ഉപേക്ഷിച്ചു

ഞാന്‍ ആ സിനിമയുടെ കരാര്‍ ഉപേക്ഷിച്ചു. ചിത്രത്തിന്റെ നിര്‍മ്മാതാക്കളുമായി ചില പ്രശ്‌നങ്ങളുണ്ടായി. ഞങ്ങള്‍ക്ക് ഒരുമിച്ച് പോകാന്‍ കഴിഞ്ഞില്ല. അവര്‍ പറയുന്ന നിബന്ധകളനുസരിച്ച് ജോലി ചെയ്യാന്‍ എനിക്കാവില്ലെന്നാണ് വരലക്ഷ്മി ട്വീറ്റ് ചെയ്തിട്ടുള്ളത്.

കസബ കണ്ടാണ് ക്ഷണിച്ചത്

അല്‍പ്പം വണ്ണമുള്ള ശരീരപ്രകൃതിയോടുകൂടിയ ഒരു നടിയെ ആയിരുന്നു ചിത്രത്തിലെ കഥാപാത്രമാവാന്‍ ആവശ്യം. ‘കസബ'യില്‍ വരലക്ഷ്മി അവതരിപ്പിച്ച കഥാപാത്രത്തെപ്പോലെ. പക്ഷേ ഇപ്പോള്‍ അവര്‍ ശരീരഭാരം വളരെ കുറച്ചു. സിനിമയിലെ കഥാപാത്രത്തിന് യോജിക്കുന്നില്ല ഇപ്പോള്‍. അതിനാല്‍ വരലക്ഷ്മിയുടെ സ്ഥാനത്ത് ഇനിയയെ നിശ്ചയിച്ചു.

ശരീരഭാരം കുറഞ്ഞതാണ് കാരണം

നടിയുമായി തര്‍ക്കമൊന്നുമില്ലെന്നും എന്നാല്‍ ശരീരഭാരം കുറഞ്ഞതാണ് കാരണമെന്ന് അവരോട് പറഞ്ഞില്ലെന്നുമാണ് നിര്‍മ്മാതാവായ സുബൈര്‍. 'പറയുന്നത് ഏതെങ്കിലും തരത്തില്‍ ഒരു അവഹേളനമാകരുതല്ലോ, അവര്‍ പേരെടുത്ത ഒരു നടിയല്ലേയെന്നും നിര്‍മ്മാതാവ് പറഞ്ഞു.

ഏറെ സന്തോഷത്തോടെ ഏറ്റെടുത്തു

ചിത്രത്തില്‍ അഭിനയിക്കുന്നതിനായി രണ്ടാമതൊന്നും ആലോചിക്കാതെയാണ് താന്‍ സമ്മതം മൂളിയത്. കുടുംബ പ്രേക്ഷകരെ ലക്ഷ്യമിട്ട് ഒരുക്കുന്ന ചിത്രത്തില്‍ ജയറാമിന്റെ ഭാര്യയുടെ വേഷം അവതരിപ്പിക്കുന്നതിനായാണ് വരലക്ഷമിയെ ക്ഷണിച്ചിരുന്നത്. കഥാപാത്രത്തെക്കുറിച്ചുള്ള വിവരങ്ങളൊന്നും ആദ്യം പറഞ്ഞിരുന്നില്ല. സമുദ്രക്കനിയുമായി ഒരുമിച്ച് ജോലി ചെയ്യാന്‍ കിട്ടുന്ന അവസരം സ്വീകരിക്കുകയായിരുന്നുവെന്നും താരം പറഞ്ഞു.

രണ്ടുമാസത്തിന് ശേഷം കണ്ടപ്പോള്‍??

കഴിഞ്ഞ രണ്ട് മാസങ്ങളായി വരലക്ഷ്മിയെ ഞങ്ങളാരും നേരിട്ട് കണ്ടിട്ടില്ല. ഈ ചിത്രത്തിലേക്ക് തീരുമാനിക്കുമ്പോള്‍ കസബയിലെ അവരുടെ കഥാപാത്രമായിരുന്നു മനസില്‍. കൊച്ചിയില്‍ കഴിഞ്ഞദിവസം നടത്തിയ പൂജയുടെ സമയത്താണ് അവരെ നേരില്‍ കാണുന്നത്. രൂപമാറ്റത്തെക്കുറിച്ച് അപ്പോഴാണ് തങ്ങള്‍ അറിഞ്ഞതെന്നുമാണ് ചിത്രത്തിന്‍റെ നിര്‍മ്മാതാവായ സുബൈര്‍ പറയുന്നത്.