ചാക്കോച്ചന്‍ ചിത്രങ്ങൾക്ക് ഇതെന്ത് പറ്റി..? മികച്ച അഭിപ്രായം നേടിയ ചിത്രങ്ങൾ തിയറ്ററില്‍ പതറുന്നു?

വര്‍ണ്യത്തില്‍ ആശങ്ക

കഴിഞ്ഞ വെള്ളിയാഴ്ച തിയറ്ററിലെത്തിയ കുഞ്ചാക്കോ ബോബന്‍ ചിത്രമാണ് വര്‍ണ്യത്തില്‍ ആശങ്ക. അത് താനല്ലയോ ഇത് എന്ന ആശങ്കയില്ലാതെ ടിക്കറ്റ് എടുക്കാന്‍ പറ്റിയ ചിത്രമാണ് വര്‍ണ്യത്തില്‍ ആശങ്ക എന്ന റിപ്പോര്‍ട്ടായിരുന്നു ചിത്രത്തേക്കുറിച്ച് പുറത്ത് വന്നത്.

ആദ്യദിന കളക്ഷന്‍

ചങ്ക്‌സ്, സര്‍വ്വോപരി പാലാക്കാരന്‍ എന്നീ ചിത്രങ്ങള്‍ക്കൊപ്പമാണ് വര്‍ണ്യത്തില്‍ ആശങ്ക തിയറ്ററില്‍ എത്തിയത്. ഉച്ചയ്ക്ക് രണ്ട് മണിക്കായിരുന്നു വെള്ളിയാഴ്ച ചിത്രത്തിന്റെ ആദ്യ ഷോ ആരംഭിച്ചത്. നൂറിലധികം തിയറ്ററില്‍ റിലീസ് ചെയ്ത ചിത്രം കേരളത്തില്‍ നിന്ന് മാത്രം ആദ്യ ദിനം നേടിയത് 52 ലക്ഷം രൂപയാണ്.

മൂന്നാം ദിനം

വെള്ളിയാഴ്ച്ച ഉച്ചയ്ക്ക് തിയറ്ററിലെത്തിയ ചിത്രത്തിന് ആദ്യ ദിനത്തില്‍ നേടിയ അതേ കളക്ഷന്‍ നിലനിര്‍ത്താനേ ചിത്രത്തിന് പിന്നീടുള്ള ദിവസങ്ങളിലും സാധിച്ചൊള്ളു. മൂന്ന് ദിവസം കൊണ്ട് ചിത്രം നേടിയത് 1.48 കോടി രൂപയാണ്.

രാമന്റെ ഏദന്‍തോട്ടവും

മികച്ച ചിത്രമെന്ന് അഭിപ്രായം നേടിയ ചിത്രമാണ് കുഞ്ചാക്കോ ബോബന്‍ നായകനായി എത്തിയ രാമന്റെ ഏദന്‍തോട്ടം. എന്നാല്‍ ചിത്രത്തിന് ഈ അഭിപ്രായത്തിന് പ്രേക്ഷകരെ തിയറ്ററില്‍ എത്തിക്കാന്‍ കഴിഞ്ഞില്ലെന്നാണ് ചിത്രത്തിന് തിയറ്ററില്‍ നിന്നും ലഭിച്ച കളക്ഷന്‍ തെളിയിക്കുന്നത്. അതേ അവസ്ഥ തന്നെയാണ് വര്‍ണ്യത്തില്‍ ആശങ്കയ്ക്കും സംഭവിക്കുന്നത്.

കൗട്ട ശിവന്‍

കുഞ്ചാക്കോ ബോബന്റെ കരിയറിലെ ഏറ്റവും വ്യത്യസ്തമായ കഥാപാത്രമെന്നാണ് വര്‍ണ്യത്തില്‍ ആശങ്കയിലെ കൗട്ട ശിവന്‍ അറിയപ്പെടുന്നത്. ചാക്കോച്ചനെ ഏറ്റവും വൃത്തികെട്ടവനായിട്ടാണ് ഈ ചിത്രത്തില്‍ അവതരിപ്പിച്ചിരിക്കുന്നതെന്നാണ് സംവിധായകനായ സിദ്ധാര്‍ത്ഥ് ഭരതനും പറയുന്നത്.

സിദ്ധാര്‍ത്ഥ് ഭരതന്‍

ദിലീപ് നായകനായി എത്തിയ ചന്ദ്രേട്ടന്‍ എവിടെയാ എന്ന ചിത്രത്തിന് ശേഷം സിദ്ധാര്‍ത്ഥ് ഭരതന്‍ സംവിധാനം ചെയ്യുന്ന ചിത്രമാണ് വര്‍ണ്യത്തില്‍ ആശങ്ക. രണ്ട് വര്‍ഷത്തിന് ശേഷം സിദ്ധാര്‍ത്ഥ് സംവിധാനം ചെയ്യുന്ന ചിത്രമാണ് വര്‍ണ്യത്തില്‍ ആശങ്ക.