ബോക്‌സോഫീസില്‍ വില്ലന്‍ കാഴ്ചവെച്ചത് ഗംഭീരപ്രകടനം, സ്ഥിരീകരണവുമായി സംവിധായകന്‍!

പരാജയമായിരുന്നുവെന്ന തരത്തില്‍ വ്യാജ വാര്‍ത്ത

ബോക്‌സോഫീസില്‍ വില്ലന്‍ പരാജയമായിരുന്നുവെന്ന തരത്തില്‍ വ്യാജവാര്‍ത്തകള്‍ പ്രചരിച്ചിരുന്നു. പന്ത്രണ്ടായിരത്തോളം ഷോകളില്‍ നിന്നായി മികച്ച വിജയം തന്നെയാണ് ചിത്രം നേടിയതെന്ന് സംവിധായകന്‍ വ്യക്തമാക്കുന്നു.

സംവിധായകന്റെ വിശദീകരണം

കേരളത്തില്‍ വില്ലന്റെ വിതരണം നിര്‍വഹിച്ചത് ബി ഉണ്ണിക്കൃഷ്ണനാണ്. വ്യാജവാര്‍ത്ത പ്രചരിക്കുന്നതിനിടയിലാണ് ചിത്രത്തിന്റെ വിജയത്തെക്കുറിച്ച് തുറന്നുപറഞ്ഞ് സംവിധായകന്‍ രംഗത്തെത്തിയത്.

ലാഭം നേടിയ സിനിമയാണ്

വിതരണത്തിന് എടുത്ത തുകയേക്കാള്‍ കൂടുതല്‍ കളക്ഷന്‍ നേടി തനിക്ക് ലാഭം സമ്മാനിച്ച സിനിമയാണ് വില്ലന്‍ എന്ന് സംവിധായകന്‍ വ്യക്തമാക്കിയിട്ടുണ്ട്. ട്വിറ്ററിലൂടെയാണ് അദ്ദേഹം കാര്യങ്ങള്‍ വിശദീകരിച്ചിട്ടുള്ളത്.

തെറ്റായ കളക്ഷന്‍ നല്‍കി തെറ്റിദ്ധരിപ്പിക്കാന്‍ താല്‍പര്യമില്

വില്ലന്റെ അന്തിമ കളക്ഷന്‍ പുറത്തുവിടാത്തതിന് പിന്നിലെ കാരണത്തെക്കുറിച്ചും അദ്ദേഹം പറയുന്നുണ്ട്. കളക്ഷന്റെ പേരില്‍ നടക്കുന്ന കോലാഹലങ്ങളില്‍ പങ്കുചേരാന്‍ താല്‍പര്യമില്ലാത്തതുകൊണ്ടാണ് അന്തിമ കളക്ഷന്‍ റിപ്പോര്‍ട്ട് പുറത്തുവിടാതിരുന്നത്.

ചാനലില്‍ വന്നത്

പരാജയപ്പെട്ടതിനാലാണ് വില്ലന്‍ ഇത്ര പെട്ടെന്ന് ചാനലിലേക്ക് എത്തിയതെന്ന തരത്തില്‍ വ്യാജ പ്രചാരണങ്ങള്‍ നടക്കുന്നത് ശ്രദ്ധയില്‍പ്പെട്ടിട്ടുണ്ട്. എന്നാല്‍ ഇത് തെറ്റായ കാര്യമാണെന്നും സംവിധായകന്‍ പറയുന്നു.

സൂര്യ ടിവിക്ക് നല്‍കിയത്

60 ദിവസത്തിനുള്ളില്‍ സിനിമ ചാനലില്‍ പ്രേക്ഷപണം ചെയ്യാമെന്നും അതിനു മുന്‍പ് ഡിവിഡി ഫോര്‍മാറ്റില്‍ ചിത്രമിറക്കില്ലെന്ന വ്യവസ്ഥയിലാണ് ചിത്രത്തിന്റെ സാറ്റലൈറ്റ് റൈറ്റ് സൂര്യ ടിവിക്ക് നല്‍കിയത്. ഏഴ് കോടി രൂപയ്ക്കാണ് സൂര്യ ടിവി വില്ലന്‍ സ്വന്തമാക്കിയത്.

വില്ലന്‍ നേടിയത്

കേരളത്തില്‍ നിന്ന് 9.27 കോടി സ്വന്തമാക്കിയ ചിത്രം ആകെ 30 കോടിയാണ് കളക്ഷന്‍ ഇനത്തില്‍ നേടിയത്. ദൃശ്യത്തിന് ശേഷമുള്ള മികച്ചൊരു വിജയം കൂടിയാണ് ഇത്.