ലാലേട്ടന് എതിരാളിയോ,അതും ഞാന്‍, അഭിനന്ദനം അറിയിക്കാന്‍ മോഹന്‍ലാല്‍ വിളിച്ചതിനെക്കുറിച്ച് വിനായകന്‍

മോഹന്‍ലാല്‍ വിളിച്ചിരുന്നു

അവാര്‍ഡ് ലഭിച്ചതിനു ശേഷം മുഖ്യമന്ത്രിയും മോഹന്‍ലാലും വിളിച്ചിരുന്നു. അഭിനന്ദനം അറിയിച്ച് ഒരുപാട് പേര്‍ വിളിച്ചിരുന്നു. മോഹന്‍ലാല്‍ വിളിച്ചപ്പോള്‍ ഒരുപാട് സന്തോഷം തോന്നി.

ഫോണില്‍ വിളിച്ചതിനെക്കുറിച്ച്

മോഹന്‍ലാലിന് എതിരാളിയാവുമോയെന്നാണ് മാധ്യമപ്രവര്‍ത്തകര്‍ ചോദിച്ചത്. ഇന്ത്യന്‍ സിനിമയിലെ തന്നെ സൂപ്പര്‍താരമായ അദ്ദേഹം വിളിച്ചപ്പോള്‍ ഒരുപാട് സന്തോഷം തോന്നിയെന്നും വിനായകന്‍ പറഞ്ഞു.

സോഷ്യല്‍ മീഡിയ പിന്തുണയെക്കുറിച്ച്

കമ്മട്ടിപ്പാടത്തിലെ അഭിനയത്തിന് തനിക്ക് അംഗീകാരം നല്‍കണമെന്ന് ആവശ്യപ്പെട്ട് സോഷ്യല്‍ മീഡിയയില്‍ യുവാക്കളുടെ പ്രതിഷേധം നടന്നിരുന്നു. അതിനു പിന്നില്‍ മറ്റെന്തോ ഉണ്ട്. അത് വിപ്ലവമായി മാറരുത്. അവാര്‍ഡ് നേട്ടത്തിന്റെ പ്രധാന്യം ഉള്‍ക്കൊള്ളാന്‍ ശ്രമിക്കുകയാണ്.

മാധ്യമങ്ങള്‍ക്കു മുന്നില്‍ വരാത്തതിന്‍റെ കാരണം

സ്വയം നടനാണെന്ന് പറയാനുള്ള അധികാരം എനിക്കില്ല. ഞാന്‍ തന്നെ വിലയിരുത്തിയിട്ടാണ് ഞാന്‍ മീഡിയയില്‍ വരാതിരുന്നത്. അവാര്‍ഡ് കിട്ടിയതിന്റെ സന്തോഷം ഇല്ലെന്നല്ല. ഞാനത് അറിഞ്ഞുവരുന്നതേ ഉള്ളൂ.

ഇനി കെട്ടിയാല്‍ അടി കിട്ടും

മികച്ച നടനുള്ള അവാര്‍ഡ് സ്വന്തമാക്കിയതിനു ശേഷമുള്ള പ്രസ്സ് മീറ്റിനിടെ വിനായകനോട് വിവാഹത്തെക്കുറിച്ച് ചോദിച്ചപ്പോഴാണ് രസകരമായ ഈ മറുപടി ലഭിച്ചത്. ഇനിയും കെട്ടിയാല്‍ ഭാര്യ തല്ലുമെന്നാണ് താരം പറഞ്ഞത്.