മമ്മൂട്ടി സിനിമയിലേക്ക് വിളിച്ച സന്തോഷത്തില്‍ മദ്യപിച്ചു ഫിറ്റായി അവസരം നഷ്ടപ്പെട്ട മിമിക്രിക്കാരന്‍

പറഞ്ഞത് മമ്മൂട്ടിയും ഷാജിയും

തോപ്പില്‍ ജോപ്പന്‍ എന്ന ചിത്രത്തിന്റെ പ്രമോഷനുമായി ബന്ധപ്പെട്ട് മനോരമയ്ക്ക് നല്‍കിയ അഭിമുഖത്തില്‍ സംസാരിക്കുകയായിരുന്നു പാഷാണം ഷാജിയും മമ്മൂട്ടിയും. അപ്പോഴാണ് ആ മിമിക്രി കലാകാരനെ കുറിച്ച് പറഞ്ഞത്.

എന്തായിരുന്നു സംഭവം

തോപ്പില്‍ ജോപ്പന്‍ എന്ന ചിത്രത്തില്‍ മമ്മൂട്ടിയുടെ സന്തതസഹചാരിയായ ഒരു കഥാപാത്രത്തെ അവതരിപ്പിയ്ക്കാന്‍ വേണ്ടി ഒരു മിമിക്രി കലാകാരനെ വിളിച്ചു. മമ്മൂട്ടി ചിത്രത്തില്‍ അവസരം ലഭിച്ച സന്തോഷത്തില്‍ ഈ മമിക്രി കലാകാരന്‍ കൂട്ടുകാരെയൊക്കെ വിളിച്ച് ഒരു മദ്യസത്കാരം നടത്തി. എന്നാല്‍ അടിച്ചു ഫിറ്റായ കലാകാരന് പിറ്റേ ദിവസം ഷൂട്ടിങിന് വരാന്‍ കഴിഞ്ഞില്ല.

ആരാണ് ആ കലാകാരന്‍

ആ കലാകാരന്‍ ആരാണെന്ന് പരസ്യമായി വെളിപ്പെടുത്താന്‍ കഴിയില്ല എന്ന് മമ്മൂട്ടിയും പാഷാണം ഷാജിയും പറഞ്ഞു. പക്ഷെ ഇനിയെങ്കിലും മദ്യപാനം കുറയ്ക്കാന്‍ അയാളോട് പറയണം എന്ന് മെഗാസ്റ്റാര്‍ പാഷാണം ഷാജിയോട് പറഞ്ഞു.

ഒരുപാട് ബുദ്ധിമുട്ടി

പിറ്റേന്ന് ഒരുപാട് നേരം ഈ മിമിക്രി കലാകാരന് വേണ്ടി ക്രൂ മുഴുവന്‍ കാത്തിരുന്നുവത്രെ. പകരം ഒരാളെ കിട്ടാനും ഏറെ ബുദ്ധിമുട്ടി എന്ന് മെഗാസ്റ്റാര്‍ പറഞ്ഞു.