Click it and Unblock the Notifications
Don't Miss!
-
IPL 2024: സെഞ്ച്വറി നേടി, പക്ഷെ റുതുരാജ് മണ്ടന് ക്യാപ്റ്റന്! തോല്വിക്ക് കാരണം ഈ പിഴവുകള് -
മുത്തശ്ശി സ്വര്ണം ദാനം ചെയ്തു, അമ്മ രാജ്യത്തിന് വേണ്ടി താലി ത്യജിച്ചു: മറുപടിയുമായി പ്രിയങ്ക -
വേനല്ക്കാലത്ത് പൂന്തോട്ടം കളര്ഫുള്ളാക്കാന് ഇതാ ചില വഴികള് -
കട്ട ട്രാഫിക് ബ്ലോക്കിൽ വാഹനമോടിക്കേണ്ടത് ഇങ്ങനെ, മൊട കാണിച്ചാൽ പണി കിട്ടുമേ -
ഐടെൽ എസ്24 ഇന്ത്യയിലെത്തി! എസ്24 അൾട്രയുടെ ജാഡ ഉണ്ടെങ്കിലും കൈയിലിരിപ്പ് നോക്കിയയുടേത് ആണ് -
അതിഗംഭീര അരങ്ങേറ്റം, പിന്നീട് താളം തെറ്റിയോ..? ഈ സ്റ്റീൽ ഓഹരിയിൽ ശ്രദ്ധവേണമെന്ന് വിദഗ്ധർ -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
ജയസൂര്യ ഉത്തരാസ്വയംവരത്തിന്‌ ഒരുങ്ങുന്നു
പണിയൊന്നുമില്ലാതെ നടക്കുന്ന ചെറുപ്പക്കാരുടെ പ്രധാന ജോലിയായ വായനോട്ടത്തില്‍ പക്ഷേ ഇയാള്‍ മുമ്പിലാണ്‌. ചെറുപ്പത്തിലേ മനസ്സില്‍ കയറിക്കൂടിയ ഉത്തരയെന്ന പെണ്‍കുട്ടി ഇന്നയാളുടെ ഉറക്കം കെടുത്തുന്നൊരു കാര്യമായി മാറിക്കഴിഞ്ഞു.
നാട്ടിലെ പ്രധാന പണക്കാരനായ പൊന്നൂസ്‌ ജ്വല്ലറി ഉടമ മഹാദേവന്റെ മകളാണ്‌ ഉത്തര. ഒരിയ്‌ക്കലും തന്‍െ കൈയ്യിലൊതുങ്ങില്ലെന്നറിഞ്ഞു കൊണ്ട്‌ പ്രകാശ്‌ ഉത്തരയെ വളയ്‌ക്കാന്‍ ശ്രമിയ്‌ക്കുകയാണ്‌. ഇതിനിടെ മഹാദേവന്‍ നഗരത്തിലെ പണക്കാരന്‍ പയ്യനുമായി മകളുടെ വിവാഹം നിശ്ചിയ്‌ക്കുന്നു.
ഇതിനെ തുടര്‍ന്നുണ്ടാകുന്ന രസകരമായ മൂഹുര്‍ത്തങ്ങളിലൂടെയാണ്‌ നവാഗതനായ രമാകാന്ത്‌ സര്‍ജ്ജു സംവിധാനം ചെയ്യുന്ന ഉത്തരാസ്വയംവരം മുന്നോട്ട്‌ പോകുന്നത്‌.
സൂപ്പര്‍ വിജയങ്ങളുമായി യുവതാരങ്ങളില്‍ മുന്നിട്ട്‌ നില്‌ക്കുന്ന ജയസൂര്യ പ്രകാശിനെ അവതരിപ്പിയ്‌ക്കുമ്പോള്‍ റോമയാണ്‌ ഉത്തരയായി അഭിനയിക്കുന്നത്‌. ഷേക്‌സ്‌പിയര്‍ എംഎ മലയാളത്തിന്റെ സൂപ്പര്‍ വിജയത്തിന്‌ ശേഷം ജയസൂര്യയും റോമയും പ്രധാന കഥാപാത്രങ്ങളെ അവതരിപ്പിയ്‌ക്കുന്ന ചിത്രം കൂടിയാണ്‌ ഉത്തരാസ്വയംവരം.
ജയസൂര്യയുടെ അച്ഛനായി ബാലചന്ദ്ര മേനോനും പൊന്നൂസ്‌ ജ്വല്ലറി ഉടമയായി ലാലു അലക്‌സും പ്രത്യക്ഷപ്പെടുന്നു. നെടുമുടി വേണു, ഹരിശ്രീ അശോകന്‍, സുരാജ്‌ വെഞ്ഞാറമ്മൂട്‌, ഷഫ്‌ന, സോനാ നായര്‍, സലീം കുമാര്‍, ഗിന്നസ്‌ പക്രു, ലക്ഷ്‌മി പ്രിയ, ഇന്ദ്രന്‍സ്‌, സുകുമാരി തുടങ്ങിയവരാണ്‌ ഉത്തരാസ്വയംവരത്തിലെ മറ്റു താരങ്ങള്‍.
ഏറെക്കാലം അനില്‍ബാബുമാരുടെ സഹസംവിധായകനായി പ്രവര്‍ത്തിച്ച രമാകാന്ത്‌ സര്‍ജ്ജു കഥയെഴുതി സംവിധാനം ചെയ്യുന്ന ചിത്രത്തിന്റെയും തിരക്കഥയും സംഭാഷണവും രചിച്ചിരിയ്‌ക്കുന്നത്‌ ജെ പള്ളാശ്ശേരിയാണ്‌. ഗിരീഷ്‌ പുത്തഞ്ചേരിയുടെ വരികള്‍ക്ക്‌ എം ജയചന്ദ്രന്‍ സംഗീതം പകരുന്നു. സന്തോഷ്‌ പവിത്രം നിര്‍മ്മിയ്‌ക്കുന്ന ഉത്തരാസ്വയംവരം ഒറ്റപ്പാലം, ചെന്നൈ ബാംഗ്ലൂര്‍ എന്നിവിടങ്ങളിലാണ്‌ ചിത്രീകരിയ്‌ക്കുന്നത്‌.
