»   » ജിഷ്‌ണുവും സിദ്ധാര്‍ത്ഥും റബേക്കയ്‌ക്കൊപ്പം

ജിഷ്‌ണുവും സിദ്ധാര്‍ത്ഥും റബേക്കയ്‌ക്കൊപ്പം

Posted By:
Subscribe to Filmibeat Malayalam
Siddharth and Jishnu
തന്റെ നമ്മള്‍ എന്ന ചിത്രത്തിലൂടെ കമല്‍ മലയാളത്തിന്‌ സമ്മാനിച്ച രണ്ട്‌ യുവ നടന്‍മാരാണ്‌ ജിഷ്‌ണുവും, സിദ്ധാര്‍ത്ഥ ഭരതനും. പടം ഹിറ്റായെങ്കിലും രണ്ട്‌ പേരും സിനിമയില്‍ ക്ലച്ച്‌ പിടിച്ചില്ല. സിദ്ധാര്‍ത്ഥ്‌ ക്യാമറയുടെ മുന്നില്‍ നിന്നും പിന്നിലേക്ക്‌ കളംമാറ്റി ചവിട്ടി നോക്കിയെങ്കിലും അവിടെയും പച്ച പിടിച്ചില്ല.

ഒരുമിച്ച്‌ വന്ന ഈ രണ്ട്‌ താരങ്ങളും വീണ്ടും വെള്ളിത്തിരയിലേക്ക്‌ ഒരുമിച്ചൊരു തിരിച്ചു വരവ്‌ നടത്തുന്നു. സുന്ദര്‍ ദാസിന്റെ റബേക്ക ഉതുപ്പ്‌ കിഴക്കേമല എന്ന സിനിമയിലൂടെ ആണ്‌ ഈ കൂട്ടുകെട്ട്‌ തിരിച്ചെത്തുന്നത്‌.

വളര്‍ന്നു വരുന്ന ഒരു വനിതാ കായിക താരത്തെ കേന്ദ്രീകരിച്ചാണ്‌ റബേക്ക ഉതുപ്പ്‌ കിഴക്കേമല പുരോഗമിക്കുന്നത്‌. ആന്‍ അഗസ്‌റ്റിനാണ്‌ ഈ സിനിമയിലെ നായിക.

ഇതുവരെ അവതരിപ്പിച്ച കഥാപാത്രങ്ങളില്‍ നിന്നും വ്യത്യസ്‌തമായ ഒരു കഥാപാത്രത്തെയാണ്‌ ജിഷ്‌ണു തിരിച്ചു വരവില്‍ അവതരിപ്പിക്കുന്നത്‌. പണക്കാരനായ ഒരു കാഞ്ഞിരപ്പള്ളി അച്ചായനെയാണ്‌ ജിഷ്‌ണു ഇതില്‍ അവതരിപ്പിക്കുന്നത്‌.

ആന്‍ അഗസ്റ്റിന്റെ കഥാപാത്രത്തിന്റെ കോച്ച്‌ ആയാണ്‌ സിദ്ധാര്‍ത്ഥ്‌ ഈ സിനിമയില്‍ പ്രത്യക്ഷപ്പെടുന്നത്‌.

നമ്മളിന്‌ ശേഷം ഇതാദ്യമായല്ല ജിഷ്‌ണുവും സിദ്ധാര്‍ത്ഥും ഒന്നിക്കുന്നത്‌. അച്ഛന്‍ ഭരതന്റെ നിദ്ര സിദ്ധാര്‍ത്ഥ്‌ റീമെയ്‌ക്ക്‌ ചെയ്‌തപ്പോള്‍ ശ്രദ്ധേയമായ ഒരു വേഷം ജിഷ്‌ണുവിനായി മാറ്റി വെച്ചിരുന്നു. ചിത്രത്തിലെ നായകന്‍ സിദ്ധാര്‍ത്ഥ്‌ ആയിരുന്നു.

English summary
The latest to have the pair, Jishnu and Sidharth Bharathan in the lead is Sundar Das' Rebecca Uthup Kizhakemmala that revolves around the story of an aspiring female athlete played by Ann Augustine.
Please Wait while comments are loading...

Malayalam Photos

Go to : More Photos