ചങ്കും ചങ്കിടിപ്പുമായി 'ഏട്ടന്റെ' കുട്ടികളെത്തി, നടനം ജീവിതമാക്കിയ 'മോഹന്‍ലാല്‍' ഓഡിയന്‍സ് റിവ്യൂ

മോഹന്‍ലാലിനോടുള്ള ഇഷ്ടം

മോഹന്‍ലാല്‍ എന്ന താരം മലയാളിയുടെ സ്വകാര്യ അഹങ്കാരമാണ്. താരത്തിനോടുള്ള ഇഷ്ടത്തെക്കുറിച്ചും അദ്ദേഹത്തിന്റെ സിനിമകളെക്കുറിച്ചും ഒരിക്കലെങ്കിലും വാചാലരാവാത്ത മലയാളികളുണ്ടോ? മോഹന്‍ലാലിനെ ചങ്കില്‍ കൊണ്ട് നടക്കുന്ന ആരാധകരുടെ പ്രതിനിധികളിലൊരാളായ മീനുക്കുട്ടിയിലൂടെയാണ് മോഹന്‍ലാല്‍ എന്ന സിനിമ സഞ്ചരിക്കുന്നത്. ഏയ് ഓട്ടോ എന്ന ചിത്രത്തിലെ നായികയായ മീനുക്കുട്ടിയെ ഓര്‍ക്കുന്നില്ലേ, ആ സിനിമയോടുള്ള ഇഷ്ടമാണ് ഈ പേരിന് പിന്നില്‍. കിരീടത്തിലെ സേതുമാധവന്റെ പേരാണ് ഇന്ദ്രജിത്തിന് നല്‍കിയത്.

കംപ്ലീറ്റ് എന്‍റര്‍ടൈനര്‍

കടുത്ത മോഹന്‍ലാല്‍ ആരാധികയുടെ ജീവിതത്തില്‍ സംഭവിക്കുന്ന അപ്രതീക്ഷിത സംഭവങ്ങളുമായെത്തിയ കംപ്ലീറ്റ് എന്റര്‍ടൈനറാണ് മോഹന്‍ലാല്‍ എന്ന സിനിമ. ചിത്രത്തിന്റെ ആദ്യ പകുതി പിന്നിടുമ്പോള്‍ പ്രേക്ഷകര്‍ പറയുന്നത് ഇതാണ്. അവധിക്കാലം ആഘോഷിക്കാന്‍ കുടുംബസമേതം മോഹന്‍ലാലിന് ടിക്കറ്റെടുക്കാമെന്നും ഇവര്‍ വ്യക്തമാക്കുന്നു.

മഹാനടനുള്ള ട്രിബ്യൂട്ട്

എണ്‍പതുകളില്‍ സിനിമയില്‍ തുടക്കം കുറിച്ച മോഹന്‍ലാല്‍ പിന്നീട് സിനിമയെ തന്റേതാക്കി മാറ്റുന്ന കാഴ്ചയാണ് കണ്ടത്. ഇന്നിപ്പോള്‍ അദ്ദേഹത്തെ മാറ്റിനിര്‍ത്തിയുള്ള മലയാള സിനിമയെക്കുറിച്ച് ആലോചിക്കാന്‍ കഴിയില്ലെന്ന അവസ്ഥയാണ്. മലയാളത്തിന്‍രെ നടന വിസ്മയം പപത്മശ്രീ ഭരത് മോഹന്‍ലാലിനുള്ള ട്രിബ്യൂട്ടാണ് ഈ ചിത്രമെന്ന് നേരത്തെ നായകനായ ഇന്ദ്രജിത്ത് പറഞ്ഞിരുന്നു.

കുട്ടിക്കാലം മുതല്‍ക്കേ

ഓര്‍മ്മ വെച്ച നാള്‍ മുതല്‍ മോഹന്‍ലാലിനെ നെഞ്ചില്‍ കൊണ്ടുനടന്നിരുന്ന തനിക്ക് അദ്ദേഹത്തെ ഉപയോഗിച്ച് ഒരു സിനിമ ചെയ്യാന്‍ കഴിഞ്ഞത് ജീവിതത്തിലെ തന്നെ വലിയ ഭാഗ്യമായി കാണുന്നുവെന്നായിരുന്നു സംവിധായകന്‍ വ്യക്തമാക്കിയത്. സിനിമയുടെ ആദ്യ ഘട്ടം മുതലുള്ള എല്ലാ കാര്യത്തെക്കുറിച്ചും അദ്ദേഹത്തെ അറിയിച്ചിരുന്നുവെന്നും സംവിധായകന്‍ പറയുന്നു.