പിഷാരടിയുടെ പഞ്ചവര്‍ണ്ണതത്ത വാനോളം പാറുന്നു!! പഞ്ചവർണ്ണതത്തയുടെ ഓഡിയൻസ് റിവ്യൂ

തലമൊട്ടയടിച്ച്

കുറെ കാലത്തിനു ശേഷമാണ് വേറിട്ട വേഷത്തിൽ ജയറാം എത്തുന്നത്. തലമൊട്ടയടിച്ചും ശരീരഭാരം വർധിപ്പിച്ച് ജയറാമിന്റെ ലുക്ക് സോഷ്യൽ മീഡിയയിൽ വൈറലായിരുന്നു. ഇതു ആദ്യം തന്നെ പ്രേക്ഷക ശ്രദ്ധ നേടിയിരുന്നു. ചിത്രത്തിന്റെ പോസ്റ്ററിലും ടീസറിലുമൊക്കെ ജയറാം തിളങ്ങിയിരുന്നു. അതു പോലെ തന്നെയാണ് ചക്കോച്ചന്റെ കാര്യത്തിലും. പഞ്ചവർണ്ണ തത്തിയിൽ രാഷ്ട്രീയ നേതാവായിട്ടാണ് താര എത്തുന്നത്. ചക്കോച്ചന്റെ ഗെറ്റപ്പും ചർച്ച വിൽയമായിരുന്നു. തങ്ങൾ ഇതുവരെ കണ്ട താരങ്ങളുടെ പ്രകടനമല്ല പഞ്ചവർണ്ണതത്തയിൽ. വ ഇവരുടെ മറ്റൊരു ലെവൽ മുഖമാണ് സിനിമയിൽ.

പിഷാരാടിയുടെ പഞ്ചവർണ്ണ തത്ത

നിരവധി സ്റ്റേജ് പരിപാടികളിലൂടെ പ്രേക്ഷകരെ ഒരേ സമയം ചിരിപ്പിക്കുകയും ചിന്തിപ്പിക്കുകയും ചെയ്യുന്ന ഒരു തരാമാണ് രമേഷ് പിഷാരടി. അദ്ദേഹം മലയാളികളുടെ പ്രിയപ്പെട്ട അവതാരകൻ കൂടിയാണ്. താരം ആദ്യം സംവിധാനം ചെയ്യുന്ന ചിത്രമാണ് പഞ്ചവർണ്ണ തത്ത. അങ്ങേയറ്റം പ്രതീക്ഷയോടെയാണ് പഞ്ചവർണ്ണതത്ത കാണാൻ പ്രേക്ഷകർ തിയേറ്ററുകളിൽ എത്തുന്നത്. ഒരു കോമഡി ഫാമിലി ചിത്രമാണ് പ്രേക്ഷകർ പ്രതീക്ഷിക്കുന്നത്. പ്രേക്ഷകരുടെ പ്രതീക്ഷയ്ക്ക് വിപരീതമാകാൻ സാധ്യത ഏറെ കുറവാണ്. വ്യത്യസ്തമായ പ്രേമേയം പറയുന്ന ചിത്രമാണ് പഞ്ചവർണ്ണ തത്ത. അത് ചിത്രത്തിന്റെതായി പുറത്തിറങ്ങിയ ടീസറകളില്‍ നിന്നും ട്രെയിലറുകളില്‍ നിന്നും വ്യക്തമായിരുന്നു.

ട്രെയിലറിനും പാട്ടുകള്‍ക്കും ലഭിച്ച സ്വീകാര്യത

പഞ്ചവര്‍ണ്ണ തത്തയുടെതായി പാട്ടുകൾക്കും, ടീസറിനും ട്രെയിലറുകള്‍ക്കും മികച്ച സ്വീകാര്യതയാണ് ലഭിച്ചിരുന്നത്. ഹാസ്യത്തിനു പ്രാധാന്യം നല്‍കിയൊരുക്കുന്ന ഒരു ചിത്രമായിരിക്കും പഞ്ചവര്‍ണ്ണ തത്തയെന്നാണ് ചിത്രത്തിന്റെതായി പുറത്തിറങ്ങിയ ട്രെയിലറുകളില്‍ നിന്നും വ്യക്തമാവുക. 'പഞ്ചവര്‍ണ്ണ തത്ത പറന്നേ' എന്നു തുടങ്ങുന്ന ഗാനത്തിന് സമൂഹമാധ്യമങ്ങളില്‍ മികച്ച സ്വീകാര്യത ലഭിച്ചിരുന്നു. ഹരിചരണും ജ്യോത്സനയുമായിരുന്നു ഈ പാട്ട് പാടിയിരുന്നത്. സന്തോഷ് വര്‍മ്മയുടെ വരികള്‍ക്ക് എം.ജയചന്ദ്രനാണ് ചിത്രത്തിന് സംഗീതം നല്‍കിയിരിക്കുന്നത്. ചിത്രത്തിന്റെതായി രണ്ടാമതായി പുറത്തിറങ്ങിയ ഗാനമായിരുന്നു എംജി ശ്രീകുമാറിന്റെ ആലാപനത്തില്‍ പുറത്തിറങ്ങിയ ചിരി ചിരി എന്ന പാട്ട്. പ്രേക്ഷകരെ പൊട്ടിച്ചിരിപ്പിക്കുന്ന തരത്തിലുളള രംഗങ്ങളാണ് പാട്ടില്‍ അണിയറപ്രവര്‍ത്തകര്‍ ഉള്‍പ്പെടുത്തിയിരുന്നത്.