വെറുതെ അൽഫോൺസും പിള്ളരും വരില്ല!! തൊബാമയ്ക്ക് ധൈര്യമായി ടിക്കറ്റ് എടുക്കാം, ഓഡിയൻസ് റിവ്യൂ ...

സൗഹൃദം

അൽഫോൺസ് പുത്രത്തെ എല്ലാ ചിത്രത്തിലും ഹൈലറ്റ് ചെയ്യുന്നത് സൗഹൃദങ്ങളായിരുന്നു. പരിശുദ്ധമായ സൗഹൃദങ്ങൾ സിനിമകളിൽ കാണാൻ സാധിക്കും. തൊബാമയിലും അതു തന്നെയാണ്. മൂന്ന് സുഹൃത്തുക്കളുടെ കഥയാണ് പറയുന്നത്. സിജു വിൽസൺ, ഷറഫുദ്ദീൻ, കൃഷ്ണ ശങ്കർ എന്നിവരാണ് മൂന്ന് ഉറ്റ ചങ്ങാതിമാർ . ഇവരുടെ കഥ പറയുന്ന ചിത്രമാണ് തൊബാമ.

തൊബാമ

ചിത്രത്തിന്റെ പേര് തന്നെ ഏറെ രസകരമാണ്. ചിത്രം പുറത്തിറങ്ങും മുൻപ് എന്താ ഇങ്ങനെയൊരു പേര് എന്ന് എല്ലാവരും ചോദിച്ചിരുന്നു. സിനിമ പുറത്തിറങ്ങി കഴിഞ്ഞപ്പോൾ എല്ലാവരുടെ ആ സംശയത്തിന് ഉത്തരം കിട്ടി. ചിത്രത്തിന്റെ പേരായിരുന്നു സിനിമ കാണാൻ പ്രേക്ഷകരെ പ്രേരിപ്പിച്ച ഒരു ഘടകം. തൊമ്മിയുടെയും ബാലുവിന്റെയും മമ്മൂവിന്റെയും കഥയാണ് യഥാർഥത്തിലുള്ള തൊബാമ.

പ്രേമം ടീം

നിവിൻ പോളി ഒഴികെയുള്ള പ്രേമം ടീം തോബാമയിൽ എത്തിയിട്ടുണ്ട്. ഇതു തന്നെയാണ് ചിത്രത്തിന്റെ മറ്റൊരു ഹൈലൈറ്റ്. പ്രേമത്തിൽ നിവിൻ, ശബരീഷ് വർമ്മ, കൃഷ്ണ ശങ്കർ എന്നിവരായിരുന്നു കേന്ദ്ര കഥാപാത്രത്തിലെത്തിയത്. എന്നാൽ സിജു വിൽസണും, ഷറഫുദ്ദിനും ചെറിയ റോളുകളിലായിരുന്നു പ്രേമത്തിലത്തിയത്. എന്നാൽ ഇവരുടെ ആ വേഷം വരെ ശ്രദ്ധിക്കപ്പെട്ടിരുന്നു. തുടർന്ന് ഇവർ ഒന്നിച്ചഭിനയിച്ച ഹാപ്പി വെഡിങ് സൂപ്പർ ഹിറ്റായിരുന്നു. ഈ ടീമിനോടൊപ്പം കൃഷ്ണ ശങ്കറും കൂടിയെത്തിയപ്പോൾ സൂപ്പർ കെമിസ്ട്രിയിൽ നിന്ന് സൂപ്പർ ഡ്യൂപ്പർ കെമിസ്ട്രിയിലേ്ക്ക് മാറുകയായിരുന്നു. അത് ചിത്രത്തിൽവ വളരെ മനോഹരമായി പ്രതിഫലിക്കുന്നുമുണ്ട്.

ആലുവയും പരിസരവും

അലുവയും പരിസരവും തന്നെയാണ് തൊബാമയുടേയും ലൊക്കേഷൻ. അത് പ്രേമത്തിന്റെ ഒരു സ്വാധീനം ഒളിഞ്ഞു കിടക്കുന്നതു കൊണ്ടാകാം. എന്നിരുന്നാലും പുതുമയാർന്ന പ്രമേയം തന്നെയാണ് ചിത്രത്തിനുള്ളത്. 2006-07 കാലഘട്ടത്തിലൂടെയാണ് തൊബാമ സഞ്ചരിക്കുന്നത്. അതിനെ സമർത്ഥിക്കും വിധമുള്ള സംഗതികളെല്ലാം ചിത്രത്തിൽ ഉൾപ്പെടുത്തിയിട്ടുണ്ട്. എളുപ്പത്തില്‍ പണമുണ്ടാക്കാന്‍ ഏതാനും ചെറുപ്പക്കാര്‍ തേടുന്ന എളുപ്പവഴികളും അവര്‍ ചെന്നുചാടുന്ന കുരുക്കുകളുമാണ് ചിത്രത്തിന്റെ പ്രമേയം