Click it and Unblock the Notifications
തെന്നിന്ത്യയിലെ നിത്യവസന്തം
അലമൊദലായിന്തി എന്ന ചിത്രത്തിലെ അഭിനയത്തിനാണ് നിത്യമേനോന് മികച്ച നടിക്കുള്ള ആന്ധ്ര ഗവണ്മെന്റിന്റെ ആദരം ലഭിച്ചത്. ആന്ധ്ര സ്റേറ്റിനു
പുറത്തുനിന്നൊരാള്ക്ക് ആദ്യമായാണ് ഈ അവാര്ഡ് ലഭിക്കുന്നതത്രേ. അങ്ങിനെ അന്യസംസ്ഥാനത്തുപോയി അഭിനയമികവിന് അംഗീകാരം നേടിയ മലയാളികളുടെ
ലിസ്റ്റിലേക്ക് നിത്യയും ചേക്കേറി. ഏറ്റവും തിരക്കുള്ള നടിയായി മാറിക്കൊണ്ടിരിക്കുന്ന നായികയാണ് നിത്യ.
മലയാളിമങ്കമാര് കന്നഡത്തിലും തെലുങ്കിലും തമിഴിലും തിളങ്ങാന് തുടങ്ങിയിട്ട് വര്ഷങ്ങളായി. തെന്നിന്ത്യയിലെ ഏറ്റവും തിരക്കുള്ള താരറാണിമാര് മലയാളികള് തന്നെ.
നയന്സിനും അസിനും അമലപോളിനും പുറമെ ഭാവനയും രമ്യനമ്പീശനും തിരക്കുള്ള അന്യഭാഷാ നായികമാരാണ്. ഇവരില് ഒരു സംസ്ഥാന അവാര്ഡ് കൈയെത്തിപിടിച്ചത് നിത്യയാണെന്ന് അഭിമാനിക്കാം. പ്രിയാമണിക്ക് പരുത്തിവീരന് വാങ്ങിക്കൊടുത്തത് ദേശീയ അംഗീകാരമാണ് എന്നതും ഓര്മ്മവേണം.
Continue with Google