»   » നീലപ്പടയ്ക്ക് ആവേശമായി രജനിയും

നീലപ്പടയ്ക്ക് ആവേശമായി രജനിയും

Posted By:
Subscribe to Filmibeat Malayalam
Rajinikanth
ഒരു സൂപ്പര്‍സ്റ്റാറിന്റെ ആക്ഷന്‍ സിനിമ പോലെയായിരുന്നു വാങ്കഡെയില്‍ ഇന്ത്യയുടെ വിജയം. ആദ്യം ഇടി വാങ്ങി ക്ലൈമാക്‌സില്‍ പലിശയടക്കം തിരിച്ചുകൊടുക്കുന്ന സൂപ്പര്‍സ്റ്റാര്‍. അതുപോലെ ആദ്യമിത്തിരി പതറിയെങ്കിലും തകര്‍പ്പന്‍ തിരിച്ചുവരവ് നടത്തി ടീം ഇന്ത്യ കപ്പ് സ്വന്തമാക്കി.

ലോകത്തിന്റെ നെറുകയിലേക്കുള്ള ഇന്ത്യയുടെ കുതിപ്പു കാണാന്‍ വാങ്കഡെയിലെ ഗ്യാലറിയില്‍ മൂവായിരത്തോളം വിഐപികളാണ് നിറഞ്ഞത്. രാഷ്ട്രീയനേതാക്കള്‍ക്ക് പുറമെ ബോളിവുഡും തെന്നിന്ത്യന്‍ സിനിമാലോകവും ആള്‍ക്കൂട്ടത്തില്‍ ആവേശമായി നിറഞ്ഞു.

ഇതിനിടയിലാണ് അപ്രതീക്ഷിതമായ സാക്ഷാല്‍ സൂപ്പര്‍സ്റ്റാറിന്റെ സാന്നിധ്യവും ടിവി ക്യാമറകള്‍ ഒപ്പിയെടുത്തത്. അതേ സൂപ്പര്‍സ്റ്റാര്‍ രജനിയായിരുന്നു ഇന്ത്യന്‍ ടീമിന് ജയ് വിളിച്ച് മുംബൈയിലെത്തിയത്. ബോളിവുഡ് താരമായ വിനോദ് ഖന്നയ്‌ക്കൊപ്പമായിരുന്നു രജനി മത്സരം വീക്ഷിച്ചത്. രജനിയ്ക്കൊപ്പം മകള്‍ സൗന്ദര്യയും മത്സരം കാണാനെത്തിയിരുന്നു

ഇതാദ്യമായാണ് രജനി സ്‌റ്റേഡിയത്തിലിരുന്ന് മത്സരം വീക്ഷിയ്ക്കുന്നതിന് ആരാധകര്‍ സാക്ഷികളാവുന്നത്. ചെന്നൈ ഉള്‍പ്പെടെയുള്ള നഗരങ്ങളില്‍ ഇടയ്ക്കിടെ ക്രിക്കറ്റ് മത്സരങ്ങള്‍ വരാറുണ്ടെങ്കിലും അവിടെയൊന്നും സൂപ്പര്‍സ്റ്റാര്‍ വന്നിട്ടില്ല. എന്തായാലും ഗ്യാലറിയില്‍ ഇന്ത്യന്‍ ടീമിന്റെ ജഴ്സിയണിഞ്ഞെത്തിയ സൂപ്പര്‍സ്റ്റാര്‍ നീലപ്പടയുടെ ചോരത്തിളപ്പ് കൂട്ടിയിട്ടുണ്ടാവുമെന്ന കാര്യം ഉറപ്പാണ്.

English summary
Superstar Rajinikanth was spotted at Wankhade stadium in Mumbai watching world cup cricket finals.He was seen with another Hindi actor and politician Vinod Khanna enjoying the India-Srilanka match. The world cup cricket fever has reached its heights with India reaching the finals after a long time and that too the match being held in our very own Mumbai
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam