»   » ബില്ല 2: വിഷ്ണുവര്‍ദ്ധന്‍ പുറത്ത്

ബില്ല 2: വിഷ്ണുവര്‍ദ്ധന്‍ പുറത്ത്

Posted By:
Subscribe to Filmibeat Malayalam
Billa
അജിത്തിന്റെ സൂപ്പര്‍ഹിറ്റ് ചിത്രമായ ബില്ലയുടെ രണ്ടാം ഭാഗത്തില്‍ നിന്നും പിന്‍മാറാന്‍ വിഷ്ണുവര്‍ദ്ധന്‍ തീരുമാനിച്ചു. ഇതോടെ കമല്‍ഹാസന്‍-മോഹന്‍ലാല്‍ ടീം ഒന്നിച്ച ഉന്നൈപ്പോല്‍ ഒരുവന്‍ ഫെയിം ചക്രിയെ സംവിധായകനാക്കാനാണ് നിര്‍മാതാക്കളായ സുരേഷ് ബാലാജിയും ജോര്‍ജ്ജ് പീയുസും തീരുമാനിച്ചിരിയ്ക്കുന്നത്.

പവന്‍ കല്യാണിന്റെ തെലുങ്ക് ചിത്രമായ ഷാഡോയുടെ തിരക്കുകള്‍ മൂലമാണ് ബില്ല 2 ഉപേക്ഷിയ്ക്കാന്‍ വിഷ്ണു തീരുമാനിച്ചത്. രണ്ട് സിനിമകളുടെയും ഷൂട്ടിങ് ഡേറ്റുകള്‍ ഒന്നിച്ചുവന്നതാണ് സംവിധായകനെ വെട്ടിലാക്കിയത്.

പുതിയ പ്രൊജക്ട് ബില്ലയുടെ തുടര്‍ച്ചയായ കഥയല്ല പറയുക. ഡേവിഡ് ബില്ല എങ്ങനെ അധോലോക നായകനായി പരിണമിച്ചുവെന്ന കഥയാണ് ബില്ല 2ന്റെ പ്രമേയമെന്ന് നിര്‍മാണകമ്പനിയായ ഇന്‍ എന്റര്‍ടൈന്‍മെന്റ് സിഇഒ സുനീര്‍ കേതര്‍പാല്‍ പറയുന്നു.

English summary
Vishnuvardhan has decide quit the project and there is no hard feeling as he is too busy with his Telugu Pawan Kalyan's The Shadow.

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

X