»   » വിടിവി 2: ഗൗതം-ചിമ്പു വീണ്ടും

വിടിവി 2: ഗൗതം-ചിമ്പു വീണ്ടും

Posted By:
Subscribe to Filmibeat Malayalam
Vinnaithandi Varuvein
ആക്ഷന്‍ സിനിമകളിലൂടെ കോളിവുഡില്‍ നിറഞ്ഞുനിന്ന ചിലമ്പരശന് പുതിയൊരു മുഖം നല്‍കിയ ചിത്രമാണ് ഗൗതം മേനോന്റെ വിണ്ണൈതാണ്ടി വരുവായ് (വിടിവി). ചിമ്പു കാര്‍ത്തിക്കായും ത്രിഷ ജെസ്സിയായും വേഷമിട്ട ഈ പ്രണയചിത്രം തമിഴില്‍ മാത്രമല്ല തെന്നിന്ത്യയൊട്ടാകെ വന്‍വിജയം നേടി. പതിവ് ട്രാക്കില്‍ നിന്നും മാറിനിന്നൊരുക്കിയ ഈ പ്രണയകഥയുടെ ഹൈലൈറ്റ് അതിന്റെ പോസറ്റീവ് ക്ലൈമാക്‌സായിരുന്നു.

വിടിവിയെ നെഞ്ചിലേറ്റിയ പ്രേക്ഷകര്‍ക്കൊരു സന്തോഷവാര്‍ത്തയാണ് ഇപ്പോള്‍ പുറത്തുവന്നിരിയ്ക്കുന്നത്. ഈ സിനിമയുടെ അണിയറക്കാര്‍ വീണ്ടും ഒന്നിയ്ക്കുകയാണ്.അതു ഒരു രണ്ടാം ഭാഗത്തിനു വേണ്ടി. ഗൗതം മേനോന്റെ തന്നെ സംവിധാനത്തില്‍ വിണ്ണൈതാണ്ടി വരുവായേന്‍ എന്നൊരു സിനിമയാണ് പ്ലാന്‍ ചെയ്തിരിയ്ക്കുന്നത്. കാര്‍ത്തിക്കായി ചിലമ്പരശന്‍ തന്നെ വേഷമിടുമ്പോള്‍ ജെസ്സിയായി തൃഷയുണ്ടാവുമോയെന്ന കാര്യത്തില്‍ ഉറപ്പില്ല. അടുത്തിടെ ഒരു അഭിമുഖത്തില്‍ ജെസ്സിയായി വേഷമിടാന്‍ വീണ്ടും താത്പര്യമുണ്ടെന്ന് തൃഷ പറഞ്ഞിരുന്നു. വിടിവി 2ലും തൃഷയെ ഉള്‍പ്പെടുത്താന്‍ ഗൗതം തയാറാകുമെന്നാണ് ആരാധകരുടെ പ്രതീക്ഷ.

പ്രൊജക്ട് ഔദ്യോഗികമായി പ്രഖ്യാപിച്ചിട്ടില്ലെങ്കിലും ചിമ്പു ഫാന്‍സിന്റെ വെബ്‌സൈറ്റ് വാര്‍ത്ത സ്ഥിരീകരിച്ചിട്ടുണ്ട്. അതേസമയം വിടിവി 2ന്റെ വര്‍ക്കുകള്‍ ഉടന്‍ തുടങ്ങാനുള്ള സാധ്യതകള്‍ തുലോം കുവാണ്. ചിമ്പു നായകനാവുന്ന പോടാ പോടി, വേട്ടൈ മന്നന്‍ വിടിവിയുടെ ഹിന്ദി റീമേക്ക് എന്നീ പ്രൊജക്ടുകള്‍ക്ക് ശേഷമേ വിണ്ണൈതാണ്ടി വരുവായേന്‍ തുടങ്ങുകയുള്ളൂ.

English summary
The team of 'VTV' is coming together again, with a sequel for their former blockbuster. Gautham Menon will be directing this project that's tentatively titled 'Vinnaithandi Varuvein' and Simbu will play Karthik again, and AR Rahman will compose the tunes for this sequel.
Please Wait while comments are loading...

Malayalam Photos

Go to : More Photos

വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam