»   » വിലക്കുകള്‍ തകര്‍ത്തെറിഞ്ഞ് സുറ എത്തുന്നു

വിലക്കുകള്‍ തകര്‍ത്തെറിഞ്ഞ് സുറ എത്തുന്നു

Posted By:
Subscribe to Filmibeat Malayalam
For Quick Alerts
ALLOW NOTIFICATIONS
For Daily Alerts
    Sura
    പുതിയ മലയാള ചിത്രങ്ങളുടെ റിലീസ് തടഞ്ഞുകൊണ്ടുള്ള നിര്‍മാതാക്കളുടെയും വിതരണക്കാരുടെയും സമരം കൊടുമ്പിരിക്കൊണ്ടിരിയ്‌ക്കെ ഒരു തമിഴ് ചിത്രം കേരളത്തില്‍ റിലീസിനൊരുങ്ങുന്നു. ഫിലിം ഡിസ്ട്രിബ്യൂട്ടേഴ്‌സ് അസോസിയേഷന്റെ തീരുമാനപ്രകാരം തമിഴ്‌നാട്ടില്‍ റിലീസായി 14 ദിവസങ്ങള്‍ക്ക് ശേഷം മാത്രമേ തമിഴ് ചിത്രങ്ങള്‍ക്ക് കേരളത്തില്‍ പ്രദര്‍ശനാനുമതി നല്‍കുകയുള്ളൂ. എന്നാല്‍ ഈ വിലക്കും നിയന്ത്രണങ്ങളും തകര്‍ത്തെറിഞ്ഞ് വിജയ് നായകനാവുന്ന സുറയാണ് ഏപ്രില്‍ 30ന് കേരളത്തിലെ തിയറ്ററുകളിലെത്തുന്നത്. തമന്ന നായികയാകുന്ന ചിത്രം സംവിധാനം ചെയ്തിരിയ്ക്കുന്നത് എസ്പി രാജ് കുമാറാണ്.

    തമീന്‍സ് എന്ന വിതരണകമ്പനിയാണ് ഒന്നരക്കോടി രൂപയ്ക്ക് സുറയുടെ കേരളത്തിലെ വിതരണാവകാശം വാങ്ങിയിരിക്കുന്നത്. വിജയ്ക്ക് മലയാളി പ്രേക്ഷകര്‍ക്കിടയിലുള്ള സ്വീകാര്യത മുതലെടുക്കുകയെന്ന ഉദ്ദേശത്തോടെയാണ് വന്‍ തുകയ്ക്ക് സുറയുടെ വിതരണാവകാശം തമീന്‍സ് സ്വന്തമാക്കിയത്.

    കേരളത്തില്‍ 50 ഓളം സെന്ററുകളില്‍ സുറ റിലീസ് ചെയ്യുമെന്നാണ് അറിയുന്നത്. തമിഴ്‌നാടിനൊപ്പം കേരളത്തിലും റിലീസ് ചെയ്തില്ലെങ്കില്‍ ചിത്രത്തിന്റെ കളക്ഷനില്‍ വന്‍ ഇടിവുണ്ടാകുമെന്നാണ് വിതരണക്കാരുടെ വാദം. സുറയുടെ കേരള റിലീസുമായു മുന്നോട്ട് പോകാന്‍ തമീന്‍സിന് സൗത്ത് ഇന്ത്യന്‍ ഫിലിം ചേംബറിന്റെ പിന്തുണയുമുണ്ട്.

    സമരവും വിലക്കുകളുമായി മലയാള സിനിമ മുന്നോട്ടു പോകുമ്പോള്‍ സുറ പോലെയുള്ള വമ്പന്‍ ചിത്രങ്ങള്‍ കേരളത്തില്‍ പ്രദര്‍ശനത്തിനെത്തുന്നത് ഇവിടത്തെ പ്രതിസന്ധി രൂക്ഷമാക്കാനേ ഉപകരിയ്ക്കുള്ളൂവെന്ന് സിനിമാപണ്ഡിറ്റുകള്‍ ചൂണ്ടിക്കാട്ടുന്നു.

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more