ഷൂട്ടിങ്ങിനിടെ അജിത്തിന് പരിക്ക്

എത്ര റിസ്‌കുള്ള ആക്ഷന്‍ രംഗങ്ങളായാലും അത് ഏറ്റെടുക്കാന്‍ അജിത്ത് മടികാണിയ്ക്കാറില്ലെന്നത് സിനിമാക്കാര്‍ക്ക് നന്നായറിയാം. എന്നാല്‍ അടുത്തിടെ വിഷ്ണുവര്‍ധന്‍ സംവിധാനം ചെയ്യുന്ന ചിത്രത്തിന്റെ ഷൂട്ടിങ്ങിനിടെ ആരാധകരുടെ തലയ്ക്ക് പരിക്കേറ്റു. മുംബൈയില്‍ നടന്ന ഷൂട്ടിങ്ങിനിടെ ഒരു കാറിന് മുകളില്‍ നിന്ന് മറ്റൊരു കാറിന് മുകളിലേയ്ക്ക് ചാടുന്ന രംഗമുണ്ടായിരുന്നു. ഇതിന്റെ ചിത്രീകരിക്കുന്നതിനിടെയാണ് അജിത്തിന് പരിക്കേറ്റത്. കാറിന്റെ ടയറിനിടയില്‍ നടന്റെ വലതുകാല്‍ കുടുങ്ങിപ്പോവുകയായിരുന്നു. എന്നാല്‍ പരിക്കിനെ ഗൗനിക്കാതെ അജിത്ത് ഷൂട്ടിങ് തുടര്‍ന്നു.

തലയ്ക്ക് നിസ്സാര പരിക്കേയുള്ളൂവെന്ന് അറിഞ്ഞതോടെ ആരാധകര്‍ക്കും ആശ്വാസമായി. ചിത്രത്തില്‍ ഒരു ഹാക്കറുടെ വേഷമാണ് അജിത്ത് കൈകാര്യം ചെയ്യുന്നത്. നയന്‍താരയാണ് ചിത്രത്തിലെ നായിക. സിനിമയിലേയ്ക്ക് ശക്തമായ തിരിച്ചു വരവ് നടത്താനൊരുങ്ങുന്ന നയന്‍സിനും ചിത്രത്തില്‍ പ്രതീക്ഷയേറെയാണ്. അഭിനയത്തിന് പുറമേ നയന്‍സ് ചിത്രത്തില്‍ സംവിധാന സഹായിയായും പ്രവര്‍ത്തിച്ചുവെന്നാണ് റിപ്പോര്‍ട്ട്. തപ്സി, ആര്യ തുടങ്ങിയവരാണ് ചിത്രത്തിലെ മറ്റു താരങ്ങള്‍.

ബാംഗ്ലൂര്‍, മുംബൈ, ഹൈദരാബാദ് എന്നിവിടങ്ങളിലായി ഷൂട്ട് ചെയ്യുന്ന ചിത്രത്തിന് സംഗീതം നല്‍കുന്നത് യുവന്‍ ശങ്കര്‍ രാജയാണ്. എഎം രത്‌നമാണ് ചിത്രത്തിന്റെ നിര്‍മ്മാതാവ്.