മുടിവെട്ടാന്‍ പോലും തയ്യാകാത്ത നായികമാര്‍, എനിക്ക് മൊട്ടയടിച്ച് അഭിനയിക്കണം എന്ന് താരപുത്രി !!

മൊട്ടിയടിച്ച് അഭിനയിക്കാന്‍ ആഗ്രഹം

ഒരു സിനിമയിലെങ്കിലും തല മുഴുവന്‍ മൊട്ടയടിച്ച് അഭിനയിക്കണം എന്നാണത്രെ അക്ഷരയുടെ ആഗ്രഹം. അങ്ങനെ ഒരു കഥാപാത്രം ആവശ്യപ്പെടുകയാണെങ്കില്‍ തീര്‍ച്ചയായും പറയേണ്ട താമസം അത് ചെയ്തിരിയ്ക്കും എന്ന് അക്ഷര പറയുന്നു.

കുട്ടിക്കാലത്തെ അനുഭവം

ചെറുപ്പത്തില്‍ അച്ഛന്‍ കമല്‍ ഹസനോട്, 'അപ്പാ തല മൊട്ടയടിച്ചാല്‍ എങ്ങനെയുണ്ടാവും' എന്ന് അക്ഷര ചോദിച്ചത്രെ. ഇപ്പോ കാണിച്ചു തരാം എന്ന് പറഞ്ഞ് ബാത്രൂമില്‍ കൂട്ടിക്കൊണ്ടുപോയി കമല്‍ തന്നെ തല മൊട്ടയടിച്ചുകൊടുത്ത അനുഭവത്തെ കുറിച്ചും അക്ഷര പറഞ്ഞു.

കമലിന്റെ അല്ലേ മകള്‍

മൊട്ടയടിച്ച് അഭിനയിക്കണം എന്ന അക്ഷരയുടെ ആഗ്രഹം കേട്ട തമിഴ് സിനിമാ പ്രേമികള്‍ക്കൊന്നും വലിയ അത്ഭുതം തോന്നുന്നില്ല. കമല്‍ ഹസന്റെ അല്ലേ മകള്‍.. കഥാപാത്രത്തിന് വേണ്ടി എന്ത് സാഹസത്തിനും തയ്യാറാകുന്ന കമലിന്റെ മകള്‍ ഇങ്ങനെയൊന്നും പറഞ്ഞില്ലെങ്കിലേ അത്ഭുതമുള്ളൂ എന്നാണ് പ്രേക്ഷക പ്രതികരണം.

അക്ഷര സിനിമയില്‍

അമിതാബ് ബച്ചനും ധനുഷും കേന്ദ്ര കഥാപാത്രമായി എത്തിയ ഷമിതാഭ് എന്ന ഹിന്ദി ചിത്രത്തിലൂടെയാണ് അക്ഷര സിനിമാ ലോകത്ത് എത്തിയത്. ഇപ്പോള്‍ വിവേകം എന്ന തമിഴ് ചിത്രത്തില്‍ അഭിനയിച്ചുകൊണ്ടിരിയ്ക്കുന്നു. ലാലി കി ശാദി മെയിന്‍ ലാദൂ ദീവാന എന്ന ഹിന്ദി ചിത്രത്തിലും അക്ഷര കരാറൊപ്പുവച്ചിട്ടുണ്ട്.