Click it and Unblock the Notifications
Don't Miss!
-
സ്റ്റൈപെൻഡ് വിതരണം മുടങ്ങിയിട്ട് ഒരാഴ്ച പിന്നിട്ടു; ആലപ്പുഴ മെഡിക്കൽ കോളേജിൽ 234 ഡോക്ടർമാർ സമരത്തിൽ -
സ്വന്തമായി ബൈക്കില്ലെങ്കിലും ലോകത്തെവിടെയും ബുള്ളറ്റിൽ ചുറ്റിക്കറങ്ങാം; എങ്ങനയെന്ന് എൻഫീൽഡ് പറഞ്ഞു തരും -
നാല്പ്പതുകളിലെ ഗര്ഭധാരണം: സ്ത്രീകളറിയേണ്ട അപകടങ്ങള് -
ദിവസവും 233 രൂപ മാറ്റിവയ്ക്കാമോ, 12 ലക്ഷം രൂപ കയ്യിലെത്തും, ഇതാണ് പോസ്റ്റ് ഓഫീസ് പദ്ധതി -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്! -
IPL 2024: സിക്സര്രാജ! ലഖ്നൗ ടീമിനെ ഒറ്റയ്ക്ക് പിന്നിലാക്കി രോഹിത്തിന്റെ അഴിഞ്ഞാട്ടം
'പിറന്നാള്‍ ആശംസകള്‍ ചിയാന്‍'! ഇതാ നിങ്ങളുടെ എറ്റവും വലിയ ആരാധകന്റെ സമ്മാനം
തമിഴ്‌നാട്ടിലെന്ന പോലെ കേരളത്തിലും നിരവധി ആരാധകരുളള താരമാണ് ചിയാന്‍ വിക്രം. നിരവധി ശ്രദ്ധേയ സിനിമകളിലൂടെയാണ് അദ്ദേഹം സൂപ്പര്‍ താരമായി മാറിയത്. തന്റെ സിനിമകളിലെല്ലാം അഭിനയം കൊണ്ട് പ്രേക്ഷകരെ വിസ്മയിപ്പിച്ചിരുന്നു താരം. ചിയാന്‍ വിക്രമിന്റെ അമ്പത്തി മൂന്നാം പിറന്നാള്‍ ദിനം ആണിന്ന്. തമിഴ് സൂപ്പര്‍താരത്തിന് ആശംസകള്‍ നേര്‍ന്ന് ആരാധകര്‍ ഒന്നടങ്കം രംഗത്തെത്തിയിരുന്നു. ഇതില്‍ എറ്റവുമൊടുവിലായി മകന് ധ്രുവ് വിക്രമിന്റെതായി വന്ന ഇന്‍സ്റ്റഗ്രാം പോസ്റ്റും വൈറലായിരുന്നു.
വിക്രമിന്റെ ഹിറ്റ് സിനിമകളിലെ രംഗങ്ങള്‍ കോര്‍ത്തിണക്കിയ വീഡിയോ പങ്കുവെച്ചാണ് ധ്രുവ് അച്ഛന് ജന്മദിനാശംസകള്‍ നേര്‍ന്നിരിക്കുന്നത്. പിറന്നാള്‍ ആശംസകള്‍ ചിയാന്‍. ഇതാ നിങ്ങളുടെ എറ്റവും വലിയ ആരാധകന്‍ നല്‍കുന്ന സമ്മാനം എന്ന കുറിപ്പോടെയാണ് ധ്രുവ് വിക്രം ഈ വീഡിയോ പങ്കുവെച്ചിരിക്കുന്നത്.
അടുത്തിടെയാണ് ആദിത്യ വര്‍മ്മ എന്ന ചിത്രത്തിലൂടെ വിക്രമിന്റെ മകനും സിനിമയില്‍ അരങ്ങേറ്റം കുറിച്ചത്. താരപുത്രന്റെ ആദ്യ ചിത്രം യുവാക്കള്‍ക്കിടയില്‍ തരംഗമായി മാറിയിരുന്നു. തെലുങ്ക് ചിത്രം അര്‍ജുന്‍ റെഡ്ഡിയുടെ തമിഴ് റീമേക്ക് കൂടിയായിരുന്നു സിനിമ. മകന് പിന്തുണയുമായി ആദ്യം മുതല്‍ അവസാനം വരെ ചിത്രീകരണ സംഘത്തോടൊപ്പം വിക്രമും ഉണ്ടായിരുന്നു. അതേസമയം കദരം കൊണ്ടന്‍ എന്ന ചിത്രമാണ് വിക്രമിന്റെതായി ഒടുവില്‍ തിയ്യേറ്ററുകളിലേക്ക് എത്തിയിരുന്നത്.
ബിഗ് ബഡ്ജറ്റ് ചിത്രം തിയ്യേറ്ററുകളില്‍ വലിയ വിജയമാവുകയും ചെയ്തിരുന്നു. 1990ല്‍ എന്‍ കാതല്‍ കണ്‍മണി എന്ന ചിത്രത്തിലൂടെയായിരുന്നു വിക്രമിന്റെ സിനിമാ അരങ്ങേറ്റം. തുടര്‍ന്ന് തമിഴ്,തെലുങ്ക്, ഹിന്ദി, മലയാളം ഭാഷകളിലായി നിരവധി സിനിമകളിലാണ് നടന്‍ അഭിനയിച്ചത്. കരിയറിന്റെ തുടക്കത്തിലാണ് മലയാളം സിനിമകളില്‍ നടന്‍ കൂടുതലായി അഭിനയിച്ചിരുന്നത്. നടന്‍ എന്നതിലുപരി ഗായകനായും നിര്‍മ്മാതാവായും ഡബ്ബിംഗ് ആര്‍ട്ടിസ്റ്റായും വിക്രം സിനിമാ രംഗത്ത് തിളങ്ങിയിരുന്നു.
2003ല്‍ പിതാമകന്‍ എന്ന ചിത്രത്തിലെ പ്രകടനത്തിനാണ് വിക്രമിന് ആദ്യമായി ദേശീയ അവാര്‍ഡ് ലഭിച്ചത്. വിക്രം മികച്ച നടനായി തിരഞ്ഞെടുക്കപ്പെട്ട ചിത്രം സുഹൃത്ത് ബാലയായിരുന്നു സംവിധാനം ചെയ്തിരുന്നത്. സൂര്യയും ചിത്രത്തില്‍ പ്രധാന വേഷത്തില്‍ എത്തിയിരുന്നു. വിവിധ ഭാഷകളിലായി അമ്പതിലധികം സിനിമകളിലാണ് വിക്രം തന്റെ കരിയറില്‍ അഭിനയിച്ചത്.
