നയൻതാരയുമായുള്ള ചുംബനച്ചിത്രം എടുത്തത് മറ്റൊരു ആവശ്യത്തിന്, മാപ്പ് പറഞ്ഞു, വെളിപ്പെടുത്തി ചിമ്പു

നയൻസ്, സിമ്പു പ്രധാന വേഷത്തിലെത്തിയ ചിത്രമായ വല്ലവന് പിന്നാലെയായിരുന്നു ഇരുവരേയും കുറിച്ചുള്ള പ്രണയ വാർത്ത പുറത്തു വന്നത്. ചിത്രത്തിന്റെ ആദ്യ ഫോട്ടോഷൂട്ട് മുതലേ ഇരുവരുടെയും ബന്ധം പ്രേക്ഷകരുടെ ഇടയിൽ വലിയ ചർച്ചയായിരുന്നു. ചിത്രത്തിന് പ്രമോഷന് വേണ്ടി നയൻതാരയുടെയും ചിമ്പുവിന്റെയും ഗ്ലാമര്‍ പോസ്റ്റർ ഇവർ ഉപയോഗിച്ചിരുന്നു. സിനിമയുടെ നല്ലതിന് വേണ്ടിയാണ് ചുംബനച്ചിത്രം ചെയ്തതെങ്കിലും പിന്നീട് അത് വലിയ വിവാദമാകുകയായിരുന്നു. നയൻതാരയെക്കുറിച്ച് മോശമായ രീതിയിൽ പല വാർത്തകൾ വന്നു.

ചിത്രം വിവാദമായതോടെ നയൻതാരയോട് താൻ മാപ്പ് പറഞ്ഞതായി ചിമ്പു. സിനിമ പുറത്തിറങ്ങി വർഷങ്ങൾക്ക് ശേഷമാണ് ചിമ്പു ഇക്കാര്യം വെളിപ്പെടുത്തിയത്. താൻ കാരണമാണ് നയൻതാരയ്ക്ക് പഴികേൾക്കേണ്ടി വന്നതെന്നുള്ള കുറ്റബോധത്തിന് പിന്നാലെയാണ് മാപ്പ് പറഞ്ഞതെന്നും ചിമ്പു പറയുന്നു. എന്നാൽ നയൻസിന്റെ പ്രതികരണം ഏറെ ഞെട്ടിച്ചതായും താരം അഭിമുഖത്തിൽ പറഞ്ഞിരുന്നു.

ജോലിയുടെ ഭാഗമായിട്ടാണ് ആ ഫോട്ടോഷൂട്ടിനെ കണ്ടതെന്നും ചിമ്പു ക്ഷമ പറയേണ്ടതില്ലെന്നുമായിരുന്നു നയന്‍താരയുടെ മറുപടി. ആ സീന്‍ സംവിധായകന്റെ കാഴ്ചപ്പാടാണെന്നും നയന്‍സ് പറഞ്ഞു. ഈ പ്രൊഫഷനല്‍ വ്യക്തിത്വവും കാഴ്ചപ്പാടുമാണ് നയന്‍താരയെ ഇന്നത്തെ തെന്നിന്ത്യന്‍ സൂപ്പര്‍ലേഡി ആക്കിയതെന്നും ചിമ്പു അഭിപ്രായപ്പെടുന്നു. ഏതായാലും ഇരുവരുടെയും സൗഹൃദം ഇന്നും തുടരുന്നു.

ജെസ്സിയും കാര്‍ത്തികും ജീവിതത്തില്‍ ഒന്നിക്കുന്നു | Filmibeat Malayalam

മറ്റൊരു അഭിമുഖത്തിൽ നയൻസ് വിഘ്നേഷ് വിവാഹത്തെ കുറിച്ച് ചിമ്പു പറഞ്ഞിരുന്നു. ആരാധകരുമായി സംവദിക്കവെയാണ് ഇക്കാര്യം വെളിപ്പെടുത്തിയത്. നയൻതാര ക്ഷണിച്ചാൽ വിവാഹത്തിന് പോകുമോ എന്നായിരുന്നു ചോദ്യം. നയന്‍സും വിഘ്‌നേഷും തന്റെ നല്ല സുഹൃത്തുക്കളാണെന്നും ഇരുവരും തുറന്നുസമ്മതിക്കാതെ അവര്‍ പ്രണയത്തിലാണെന്ന് താൻ വിശ്വസിക്കില്ലെന്നും ചിമ്പു പറഞ്ഞു. മാത്രമല്ല വിവാഹത്തിന് വിളിക്കുകയാണെങ്കിൽ ഉറപ്പായും പോകുമെന്നും അങ്ങനെ പോകാതിരുന്ന് സുഹൃത്തുക്കളെ പിണക്കാനാകില്ലെന്നും ചിമ്പു വ്യക്തമാക്കി.