ഇളയരാജയ്ക്ക് അഹങ്കാരവും പണത്തിനോടുള്ള ആര്‍ത്തിയും??? കോപ്പിയടിക്കും റോയല്‍റ്റിയോ???

സഹോദരങ്ങളാണെങ്കിലും പരസ്പരം വിമര്‍ശിക്കുന്നതിലൂടെ വാര്‍ത്തകളില്‍ ഇടം പിടിക്കുന്നവരാണ് ഇരുവരും. ആര്‍കെ നഗറിലെ ബിജെപി സ്ഥാനാര്‍ത്ഥിയായ ഗംഗൈ അമരന്‍ അനവാശ്യ വിമര്‍ശനം ഉന്നയിക്കുകയാണെന്നാണ് ആരോപണം.

ഇളയരാജയ്ക്ക് പണത്തോട് ആര്‍ത്തിയാണ്. അദ്ദേഹത്തിന്റെ അഹങ്കാരമാണ് ഇത്തരം തീരുമനാങ്ങള്‍ക്ക് പിന്നിലെന്നും ഗംഗൈ അമരന്‍ പറഞ്ഞു. ഇളയരാജയുടെ ആവശ്യം വളരെ ബാലിശമാണെന്നും അദ്ദേഹം കൂട്ടിച്ചേര്‍ത്തു.

ഇളയരാജ കോപ്പിയടിച്ച ഈണങ്ങള്‍ക്ക് എന്തെങ്കിലും റോയല്‍റ്റി നല്‍കിയിട്ടുണ്ടോ എന്ന സംശയവും ഗംഗൈ അമരന്‍ ചോദിച്ചു. എംഎസ് വിശ്വനാഥന്റേയും ത്യാഗരാജ കീര്‍ത്തനങ്ങളുടേയും ഈണങ്ങള്‍ ഇളയരാജ കോപ്പിയടിച്ചിട്ടുണ്ടെന്നും അദ്ദേഹം ആരോപിച്ചു.

ഇളയരാജയുടെ അനുവാദമില്ലാതെ അദ്ദേഹത്തിന്‍ പാട്ടുകള്‍ ആലപിച്ചതിന്റെ പേരില്‍ എസ്പി ബാലസുബ്രഹ്മണ്യത്തിനും ചിത്രയ്ക്കും എതിരെ വക്കീല്‍ നോട്ടീസ് അയച്ചു. വിദേശത്താണ് സംഘടിപ്പിക്കുന്ന പരിപാടിയിലാണ് അവര്‍ ഗാനങ്ങള്‍ ആലപിച്ചത്.

എസ്പിബിയുടെ സംഗീത ജീവിതത്തിലെ അമ്പത് വര്‍ഷങ്ങള്‍ പൂര്‍ത്തിയാക്കിയതിന്റെ പേരില്‍ നടക്കുന്ന പരിപാടിയിലാണ് ഇളയരാജ ഗാനങ്ങള്‍ ആലപിച്ചത്. എസ്പിബിയുടെ മകന്‍ ചരണാണ് പരിപാടി സംഘടിപ്പിക്കുന്നത്. ചരണിനെതിരെയും വക്കീല്‍ നോട്ടീസ് അയച്ചിട്ടുണ്ട്.

പകര്‍പ്പവകാശത്തേക്കുറിച്ച് താനധികം ബോധവാനായിരുന്നില്ലെന്നും എന്നാല്‍ നിയമം അനുസരിക്കാന്‍ ബാധ്യസ്ഥനാണെന്നും എസ്പിബി പറഞ്ഞു. ഇനിയുള്ള സംഗീത സദസുകളില്‍ ഇളയരാജയുടെ ഗാനങ്ങള്‍ അവതരിപ്പിക്കില്ലെന്നും അദ്ദേഹം വ്യക്തമാക്കി.