സുരേഷ് ഗോപിക്ക് പിന്നാലെ ആ റെക്കോര്‍ഡുകളെല്ലാം ഇനി ഇന്ദ്രജിത്തിന് സ്വന്തം!

ഇന്ദ്രജിത്ത് സുകുമാരന്‍

താരദമ്പതികളായ സുകുമാരന്റെയും മല്ലിക സുകുമാരന്റെയും മൂത്ത മകനായ ഇന്ദ്രജിത്ത് ഇന്ന് മലയാള സിനിമയുടെ പ്രിയപ്പെട്ട നടനായി വളര്‍ന്നിരിക്കുകയാണ്. ശക്തമായ കഥാപാത്രങ്ങളിലൂടെ താരം ഇന്ന് സിനിമയില്‍ നിറഞ്ഞ് നില്‍ക്കുകയാണ്.

പോലീസ് വേഷം

ഇന്ദ്രജിത്ത് അഭിനയിച്ച പല സിനിമകളിലും അദ്ദേഹം പോലീസ് ഓഫീസറുടെ വേഷത്തിലായിരുന്നു അഭിനയിച്ചത്. വീണ്ടും മറ്റൊരു പോലീസായി ഇന്ദ്രജിത്ത് അഭിനയിക്കാന്‍ പോവുകയാണെന്നാണ് പുതിയ വാര്‍ത്തകള്‍.

തമിഴില്‍

മലയാളത്തില്‍ നിരവധി സിനിമകളില്‍ പോലീസ് വേഷത്തിലെത്തിയ താരം ഇത്തവണ മലയാളത്തില്‍ അല്ല, തമിഴിലാണ് ഇത്തരത്തില്‍ അഭിനയിക്കാന്‍ പോവുന്നത്.

നരഗാസുരന്‍

കാര്‍ത്തിക് നരേന്‍ സംവിധാനം ചെയ്യുന്ന നരഗാസുരന്‍ എന്ന സിനിമയ്ക്ക് വേണ്ടിയാണ് ഇന്ദ്രജിത്ത് വീണ്ടും പോലീസ് വേഷം അണിയുന്നത്. സെപ്റ്റംബര്‍ 16 നാണ് ചിത്രത്തിന്റെ ഷൂട്ടിങ്ങ് ആരംഭിക്കാന്‍ പോവുന്നത്.

പ്രധാന കഥാപാത്രങ്ങള്‍

ഇന്ദ്രജിത്തിന് പുറമെ അരവിന്ദ് സ്വാമി, ശ്രിയ ശരണ്‍, സന്ദീപ് കിഷന്‍ എന്നിവരാണ് ചിത്രത്തില്‍ പ്രധാന കഥാപാത്രത്തെ അവതരിപ്പിക്കുന്നത്. സംവിധായകനായ ഗൗതം മേനോനാണ് ചിത്രം നിര്‍മ്മിക്കുന്നത്.

എട്ട് വര്‍ഷങ്ങള്‍ക്ക് ശേഷം

നീണ്ട എട്ട് വര്‍ഷങ്ങള്‍ക്ക് ശേഷമാണ് ഇന്ദ്രജിത്ത് തമിഴില്‍ അഭിനയിക്കാന്‍ പോവുന്നത്. 2009 ല്‍ പുറത്തിറങ്ങിയ സര്‍വ്വം എന്ന സിനിമയിലായിരുന്നു അവസനമായി താരം തമിഴില്‍ അഭിനയിച്ചിരുന്നത്.

പോലീസ് വേഷങ്ങള്‍

മീശമാധവന്‍, പോലീസ്, റണ്‍വേ, കാക്കി, കാട് പൂക്കുന്ന നേരം എന്നിങ്ങനെ നിരവധി സിനിമകളിലായിരുന്നു ഇന്ദ്രജിത്ത് പോലീസ് വേഷത്തില്‍ അഭിനയിച്ചിരുന്നത്.