ജ്യോതിക ഓടിവന്ന് സോറി പറഞ്ഞുവെന്ന് മേനക , സുകുമാരി ചേച്ചി അന്ന് രണ്ട് കാര്യമാണ് ചെയ്തതെന്നും നടി

മേനക സുരേഷിന്റെ വാക്കുകള്‍

നിര്‍മ്മാതാവിനെ ബഹുമാനിക്കുന്ന അവസ്ഥയല്ല ഇപ്പോഴത്തേതെന്ന് മേനക പറയുന്നു. നിര്‍മ്മാതാവ് ആരാണെന്ന് പോലും ഇപ്പോഴത്തെ ആളുകള്‍ അറിയുന്നില്ല എന്നുള്ളതാണ് അവസ്ഥ. നിര്‍മ്മാതാവിന് കുറച്ചുകൂടി പ്രാധാന്യം വേണമെന്ന് തോന്നിയ സിനിമയായിരുന്നു സീതാകല്യാണമെന്ന് താരം പറയുന്നു. ഏതാണ് അങ്ങനെയുള്ള സിനിമയെന്ന് ചോദിച്ചപ്പോള്‍ ഞാനത് ഓര്‍ത്തതേയുള്ളൂവെന്നായിരുന്നു താരം പറഞ്ഞത്. സുരേഷ് കുമാറിനൊപ്പം ഈ സിനിമയുടെ സെറ്റില്‍ പോയ അനുഭവത്തെക്കുറിച്ചും താരം വാചാലയായിരുന്നു.

ജ്യോതികയും സുകുമാരിയും

ഗീതുമോഹന്‍ദാസും ജ്യോതികയും സംസാരിച്ചിരിക്കുകയായിരുന്നു അപ്പോള്‍. അന്നാണ് ആദ്യമായി ജ്യോതികയെ കാണുന്നത്. ജ്യോതികയ്ക്കും എന്നെ അറിയാന്‍ വഴിയില്ല. അവര്‍ തമിഴില്‍ വന്നതാണ്. മലയാളത്തിലെ വലിയൊരു ആര്‍ടിസ്റ്റാണ് ഞാനെന്നുള്ളത് അവര്‍ അറിയാന്‍ വഴിയില്ല. ജ്യോതികയ്ക്ക് എന്റെ തമിഴ് സിനിമകളെക്കുറിച്ചൊന്നും ജ്യോതികയ്ക്ക് അറിയണമെന്നില്ല. ഗീതു വന്ന് ഞങ്ങളോട് രണ്ടാളോടും സംസാരിച്ചിരുന്നു.

ക്ഷമാപണം

സുകുമാരി ചേച്ചിയും മനോരമ ചേച്ചിയും അവിടെയുണ്ടായിരുന്നു. അവരെ കാണാനായാണ് ഞാന്‍ അന്ന് ലൊക്കേഷനിലേക്ക് പോയതെന്നും മേനക പറയുന്നു. അപൂര്‍വ്വമായി മാത്രമാണ് ലൊക്കേഷനിലേക്ക് പോവാറുള്ളത്. അവരോട് സംസാരിച്ചിരുന്നു. അത് കഴിഞ്ഞ് ഞാന്‍ പുറത്തേക്ക് പോയിരുന്നു. നോക്കുമ്പോള്‍ സുരേഷേട്ടന്‍ പുറത്ത് നില്‍ക്കുകയായിരുന്നു. ഞാന്‍ പറഞ്ഞപ്പോഴായിരുന്നു കസേര കൊടുത്തത്. അപ്പോഴാണ് ജ്യോതിക ഓടി അരികിലേക്കെത്തിയത്. സോറി മാം, എനിക്ക് അറിയില്ലായിരുന്നു. സുകുമാരി ആന്റിയാണ് ഞാന്‍ ആരാണെന്നുള്ളത് പറഞ്ഞത്.

സുകുമാരി ചേച്ചിയെക്കുറിച്ച്

ആരാണെന്നറിയാത്തതിനാലാണ് അവിടെ അങ്ങനെ ഇരുന്നത്. ക്ഷമ ചോദിക്കുന്നുവെന്നുമായിരുന്നു ജ്യോതിക പറഞ്ഞത്. സുകുമാരി ചേച്ചിയെക്കുറിച്ചുള്ള മതിപ്പ് കൂടുകയായിരുന്നു. രണ്ട് കാര്യമാണ് ചേച്ചി ചെയ്തത്. ചേച്ചിക്ക് ഇത് പറയണമെന്നൊന്നുമില്ല. ജ്യോതികയോട് ഞാനാരാണെന്നുള്ളത് പറഞ്ഞു. അതുപോലെ തന്നെ എനിക്ക് കിട്ടേണ്ട ബഹുമാനം മേടിച്ച് തന്നു. അവര്‍ അറിഞ്ഞോണ്ടല്ല അത് ചെയ്തത്. ഇതാണ് സീനിയര്‍ ആര്‍ടിസ്റ്റിന്റെ ഗുണങ്ങളെന്നും മേനക പറയുന്നു.