വിജയ് സേതുപതി ചിത്രത്തില്‍ നിന്നും ലക്ഷ്മി മേനോന്‍ പിന്മാറാന്‍ കാരണം, പകരം താരപുത്രി എത്തുന്നു!

വിജയ് സേതുപതി ചിത്രം

പന്നീര്‍ ശെല്‍വം സംവിധാനം ചെയ്യുന്ന കറുപ്പന്‍ എന്ന ചിത്രത്തില്‍ വിജയ് സേതുപതിയുടെ നായികയായി വീണ്ടും ലക്ഷ്മി മേനോന്‍ അഭിനയിക്കുന്നു എന്നായിരുന്നു വാര്‍ത്തകള്‍. അണിയറപ്രവര്‍ത്തകരും വാര്‍ത്ത സ്ഥിരീകരിച്ചിരുന്നു.

പിന്മാറാന്‍ കാരണം

എന്നാല്‍ ഇപ്പോള്‍ കേള്‍ക്കുന്നു നടി ചിത്രത്തില്‍ നിന്നും പിന്മാറിയെന്ന്. മറ്റൊരു ചിത്രത്തിന്റെ ലൊക്കേഷനില്‍ ഷൂട്ടിങിനിടെ ലക്ഷ്മിയ്ക്ക് പരിക്കേറ്റു. ആ പരിക്ക് സുഖമാകാന്‍ കുറച്ചധികം നാളുകള്‍ വേണ്ടി വരും. അതിനാലാണത്രെ നടി ചിത്രത്തില്‍ നിന്നും പിന്മാറുന്നത്.

പകരം ആര്

ലക്ഷ്മി മേനോന്‍ പിന്മാറിയ സാഹചര്യത്തില്‍ കറുപ്പന്‍ എന്ന ചിത്രത്തില്‍ വിജയ് സേതുപതിയുടെ നായികയായെത്തുന്നത് തന്യയാണ്. പ്രശസ്ത നടന്‍ രവിചന്ദ്രറിന്റെ കൊച്ചുമകളാണ് തന്യ

തന്യ സിനിമയില്‍

ബല്ലെ വെള്ളൈയാതവേ എന്ന ചിത്രത്തിലൂടെയാണ് തന്യ സിനിമയില്‍ അരങ്ങേറിയത്. ശശികുമാറിന്റെ നായികയായിരുന്നു. തന്യയുടെ രണ്ടാമത്തെ ചിത്രമാണ് കറുപ്പന്‍.