നാന്‍ ഒരു തടവ് സൊന്നാ നൂറു തടവ് സൊന്ന മാതിരി, തിയേറ്ററുകളെ ഇളക്കി മറിച്ച രജനീകാന്ത് ഡയലോഗുകളിതാ!

By Nimisha

Updated: Sunday, December 31, 2017, 15:29 [IST]

കഴിഞ്ഞ അഞ്ച് ദിവസമായി രജനീകാന്ത് ആരാധകര്‍ക്കൊപ്പമായിരുന്നു. ആരാധകരുമായി നടത്തിയ കൂടിക്കാഴ്ചയ്ക്ക് ശേഷമാണ് അദ്ദേഹം തന്റെ രാഷ്ട്രീയ പ്രവേശനത്തെക്കുറിച്ച് വ്യക്തമാക്കിയത്. വര്‍ഷങ്ങളായി ഇക്കാര്യത്തെക്കുറിച്ച് ചര്‍ച്ചകള്‍ ഉയര്‍ന്നുവന്നിരുന്നുവെങ്കിലും ജയലളിതയുടെ മരണത്തെത്തുടര്‍ന്ന് ഈ ആവശ്യം ശക്തമാവുകയായിരുന്നു.

സമയമാകുമ്പോള്‍ രാഷ്ട്രീയപ്രവേശനത്തെക്കുറിച്ച് പ്രഖ്യാപിക്കുമെന്നായിരുന്നു രജനീകാന്ത് പറഞ്ഞിരുന്നത്. വര്‍ഷങ്ങള്‍ നീണ്ട കാത്തിരിപ്പിനൊടുവില്‍ അത് സംഭവിച്ചു. തമിഴ് ജനതയെ സംബന്ധിച്ചിടത്തോളം ഏറെ നിര്‍ണ്ണായകമായൊരു നീക്കമാണ് നടക്കാന്‍ പോവുന്നത്. ആരാധകര്‍ ആവേശത്തിലാണെങ്കിലും രജനീകാന്തിന്റെ രാഷ്ട്രീയപ്രവേശത്തെ എതിര്‍ത്ത് പല സംഘടനകളും രംഗത്തുവന്നിട്ടുണ്ട്.

രാഷ്ട്രീയപ്രവേശനത്തിന്റെ കാര്യത്തില്‍ തീരുമാനമായി

വര്‍ഷങ്ങള്‍ക്ക് മുന്‍പേ തന്നെ രജനീകാന്തിന്റെ രാഷ്ട്രീയപ്രവേശനവുമായി ബന്ധപ്പെട്ട വാര്‍ത്തകള്‍ പ്രചരിച്ചിരുന്നു. എന്നാല്‍ ഇപ്പോഴാണ് അദ്ദേഹം ഇക്കാര്യം സ്ഥിരീകരിച്ചത്. രാഷ്ട്രീയ പാര്‍ട്ടി രൂപീകരിച്ച് തിരഞ്ഞെടുപ്പില്‍ മത്സരിക്കുമെന്നാണ് അദ്ദേഹം അറിയിച്ചിട്ടുള്ളത്.

പഞ്ച് ഡയലോഗുകള്‍

രജനീകാന്ത് അഭിനയിക്കുന്ന ചിത്രങ്ങളുടെ മുഖമുദ്രയാണ് പഞ്ച് ഡയലോഗുകള്‍. അദ്ദേഹത്തിന്റെ പല ഡയലോഗുകളും ഇന്നും ആരാധകര്‍ ഓര്‍ത്തിരിക്കുന്നുണ്ട്. ഇനി രാഷ്ട്രീയത്തിലും തീ പാറുന്ന ഡയലോഗുകള്‍ ആവര്‍ത്തിക്കുമോയെന്നറിയാനായുള്ള കാത്തിരിപ്പിലാണ് ആരാധകര്‍.

എപ്പോ വരണുമോ, അപ്പോ കറക്റ്റാ വരുവേന്‍ മുത്തുവിലെ ഡയലോഗ് ഓര്‍ക്കുന്നില്ലേ?

ഇന്നും പ്രേക്ഷകര്‍ ഓര്‍ത്തിരിക്കുന്ന രജനീകാന്ത് ഡയലോഗുകളിലൊന്ന്. മുത്തുവെന്ന സിനിമ കണ്ടവാരും ചിത്രത്തിലെ ഈ ഡയലോഗ് മറക്കില്ല. നാന്‍ എപ്പോ വരുമെന്ന് യാര്ക്കും തെരിയാത്, എപ്പോ വരണുമോ, അപ്പോ കറക്റ്റാ വരുവേന്‍. ഇതായിരുന്നു ആ ഡയലോഗ്.