പുതിയ ചിത്രത്തില്‍ മാധ്യമപ്രവര്‍ത്തകയായി നയന്‍താര

കുടുംബത്തെ തിരയുന്ന ജേണലിസ്റ്റ്

തന്റെ കുടുംബത്തെ കണ്ടുപിടിക്കുന്നതിനായി വിവിധ രാജ്യങ്ങളില്‍ സഞ്ചരിക്കേണ്ടി വരുന്ന മാധ്യമപ്രവര്‍ത്തകയായാണ് നയന്‍താര വേഷമിടുന്നത്.

റിയലിസ്റ്റിക് ചിത്രം

കുടുംബത്തെ കണ്ടുപിടിക്കുന്നതിനായി ഇറങ്ങിപ്പുറപ്പെട്ട ജേണലിസ്റ്റ് ഒടുവില്‍ എത്തിച്ചേരുന്നത് തമിഴ്‌നാട്ടിലാണ്. വലിയ ക്യാന്‍വാസില്‍ ഒരുക്കുന്ന റിയലിസ്റ്റിക് ചിത്രമാണ് ഇതെന്നാണ് അണിയറ പ്രവര്‍ത്തകര്‍ അറിയിച്ചിട്ടുള്ളത്.

വിദേശ ലൊക്കേഷന്‍

പൂര്‍ണ്ണമായും വിദേശത്താണ് ചിത്രത്തിന്റെ ഷൂട്ടിങ്ങ് പ്ലാന്‍ ചെയ്തിരിക്കുന്നത്. വിദേശത്തെ മരുഭൂമി, മല, മഞ്ഞൊക്കെയാണ് ചിത്രത്തിന്റെ ദൃശ്യങ്ങള്‍ക്ക് മാറ്റുകൂട്ടാനായി തിരഞ്ഞെടുത്തിരിക്കുന്നത്.

കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല

ചിത്രത്തിലെ നായകന്‍, റിലീസിങ് തീയതി തുടങ്ങിയ കാര്യങ്ങളെക്കുറിച്ചുള്ള വിവരങ്ങളൊന്നും അധികൃതര്‍ പുറത്തുവിട്ടിട്ടില്ല.