For Quick Alerts
    ALLOW NOTIFICATIONS  
    For Daily Alerts

    ഗര്‍ഭിണിയായ അനാമികയായി നയന്‍താര

    By Lakshmi
    |

    Nayanthara
    അടുത്തകാലത്ത് ബോളിവുഡില്‍ ഏറെ പ്രശംസകള്‍ നേടിയ ചിത്രമാണ് കഹാനി. ഭര്‍ത്താവിനെ തേടുന്ന ഗര്‍ഭിണിയായ നായികയാണ് കഹാനിയുടെ ജീവന്‍. അടുത്തകാലത്ത് ഇറങ്ങിയ നായികാ പ്രധാനമുള്ള ചിത്രങ്ങള്‍ പ്രധാനപ്പെട്ടതാണ് കഹാനി. വിദ്യ ബാലന്‍ ഒരിക്കല്‍ക്കൂടി തന്റെ അഭിനയമികവ് തെളിയിച്ച ഈ ചിത്രം തമിഴിലേയ്ക്കും തെലുങ്കിലേയ്ക്കും എത്തുകയാണ്. രണ്ട് ഭാഷകളിലും നായികയായെത്തുന്നത് നയന്‍താരയാണ്. ഹൈദരാബാദില്‍ ചിത്രത്തിന്റെ ഷൂട്ടിങ് ആരംഭിച്ചുകഴിഞ്ഞു.

    ശേഖര്‍ കമ്മൂലയാണ് തമിഴിലും തെലുങ്കിലുമായി കഹാനി റീമേക്ക് ചെയ്യുന്നത്. അനാമിക എന്നാണ് ചിത്രത്തില്‍ നയന്‍താരയുടെ കഥാപാത്രത്തിന്റെ പേര്. ചിത്രീകരണത്തിന് ഏറെ നാള്‍ മുമ്പുതന്നെ ശേഖര്‍ തിരക്കഥയും സിനിമയിലിടേണ്ട വസ്ത്രങ്ങളുമെല്ലാം നയന്‍താരയ്ക്ക് നല്‍കിയിട്ടുണ്ടത്രേ. തിരക്കഥ അനേകം തവണ വായിച്ച നയന്‍താര ഏറെ ആത്മവിശ്വാസത്തോടെയാണ് ചിത്രീകരണത്തില്‍ പങ്കെടുക്കുന്നത്. അമ്പത് ദിവസം കൊണ്ട് ചിത്രീകരണം പൂര്‍ത്തിയാക്കാനാണ് അണിയറക്കാര്‍ ലക്ഷ്യമിടുന്നത്.

    ഗ്ലാമര്‍താരമെന്ന വിശേഷണമുണ്ടെങ്കിലും അഭിനയത്തിന്റെ കാര്യത്തില്‍ താന്‍ ഒട്ടും പുറകിലല്ലെന്ന് നയന്‍താര പലവട്ടം തെളിയിച്ചിട്ടുണ്ട്. ഇപ്പോള്‍ ഗ്ലാമര്‍ റോളുകളോട് അധികം മമത കാണിയ്ക്കാത്ത നയന്‍താര ലക്ഷ്യമിടുന്നത് മികച്ച നടിയെന്ന പേര് സ്വന്തമാക്കാന്‍ തന്നെയാണ്. അതിനാല്‍ത്തന്നെ നായികാ പ്രധാന്യമുള്ള റോളുകള്‍ക്കായാണ് നയന്‍സ് കാത്തിരിക്കുന്നത്. അക്കൂട്ടത്തില്‍ എന്തായാലും നയന്‍താരയുടെ അനാമിക മികച്ചതുതന്നെയായിരിക്കുമെന്ന് പ്രതീക്ഷിയ്ക്കാം.

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X