ലേഡി സൂപ്പര്‍ സ്റ്റാര്‍ മാത്രമല്ല എങ്കള്‍ തലൈവിയും.. നയന്‍താരയ്ക്ക് ഇതില്‍പ്പരം എന്തുവേണം?

ലേഡി സൂപ്പര്‍ സ്റ്റാര്‍ വിശേഷണത്തിന് അര്‍ഹയാണെന്ന് തെളിയിച്ചു

തെന്നിന്ത്യന്‍ സിനിമയിലെ തന്നെ നമ്പര്‍ വണ്‍ താരറാണിയാണ് നയന്‍താര. ലേഡി സൂപ്പര്‍ സ്റ്റാര്‍ എന്ന വിശേഷണത്തിന് താന്‍ അര്‍ഹയാണെന്ന് താരം ശരിക്കും തെളിയിക്കുകയായിരുന്നു പുതിയ ചിത്രത്തിലൂടെ. ആരാധകരും ഇക്കാര്യം ശരിവെക്കുകയാണ് ഇപ്പോള്‍.

പ്രമോഷന്‍ പരിപാടിക്ക് എത്തിയപ്പോള്‍

അറമിന്റെ പ്രമോഷണല്‍ പരിപാടിക്കിടയില്‍ ചെന്നൈയിലെത്തിയപ്പോള്‍ എങ്കള്‍ തലൈവി നയന്‍താര എന്ന് വിളിച്ചാണ് ആരാധകര്‍ താരത്തെ വരവേറ്റത്. സാരിയണിഞ്ഞാണ് താരം പരിപാടിക്കെത്തിയത്.

നയന്‍താരയെ കണ്ടുമുട്ടിയത്

പുതിയ ചിത്രത്തിന് നിര്‍മ്മാതാവിനെ കിട്ടാത്ത വിഷമത്തിലിരിക്കുന്നതിനിടയിലാണ് നയന്‍താരയെ കണ്ടുമുട്ടിയത്. ഒരു സുഹൃത്ത് മുഖേനയാണ് താരവുമായി കൂടിക്കാഴ്ച നടത്തിയത്. അങ്ങനെയാണ് പലരും ഒഴിവാക്കിയ ചിത്രത്തിന് വീണ്ടും ജീവന്‍ വെച്ചതെന്ന് സംവിധായകന്‍ വ്യക്തമാക്കിയത്.

നയന്‍താര എത്തിയത്

കോട്ടപ്പാടി ജെ രാജേഷ് എന്ന നിര്‍മ്മാതാവിനോട് കഥ പറയുന്നതിനിടയില്‍ ഇടയ്ക്ക് അദ്ദേഹം കഥ പറയുന്നത് നിര്‍ത്താന്‍ ആവശ്യപ്പെട്ടു. എന്നാല്‍ വിശദാംശങ്ങള്‍ കേള്‍ക്കുന്നതിനായി എത്തുന്നത് നയന്‍താരയായിരിക്കുമെന്ന് കരുതിയിരുന്നില്ല. കഥ കേട്ട് അഞ്ച് മിനിട്ട് പിന്നിടുന്നതിനിടയില്‍ത്തന്നെ സിനിമ ഏറ്റെടുക്കാന്‍ അവര്‍ തയ്യാറാവുകയായിരുന്നുവെന്ന് സംവിധായകന്‍ വ്യക്തമാക്കിയിരുന്നു.

താരജാഡയില്ലാത്ത പെരുമാറ്റം

ചിത്രത്തിന്റെ ഷൂട്ടിങ്ങ് ആരംഭിച്ചപ്പോഴും താരജാഡയില്ലാതെയാണ് നയന്‍താര ആളുകളുമായി ഇടപഴകിയിരുന്നത്. കാരവാനില്‍ നിന്നും പുറത്തിറങ്ങിയാല്‍ ചിത്രത്തിന്റെ അസോസിയേറ്റ് ഡയറക്ടര്‍ പ്രവര്‍ത്തിക്കുന്നത് എങ്ങനെയാണോ അത് പോലെയാണ് താരം പ്രവര്‍ത്തിച്ചതെന്നും അദ്ദേഹം വ്യക്തമാക്കി.

സാമൂഹ്യ പ്രസ്‌കതി ആകര്‍ഷിച്ചു

കലാമൂല്യമുള്ള ചിത്രങ്ങളില്‍ നേരത്തെ അഭിനയിച്ചിട്ടുണ്ടെങ്കിലും അരം സിനിമയുടെ സാമൂഹ്യ പ്രസ്‌കതിയാണ് താരത്തെ ആകര്‍ഷിച്ചത്. കടുത്ത ജലക്ഷാമം നേരിടുന്ന ഗ്രാമവാസികള്‍ക്ക് സഹായവുമായി എത്തുന്ന കല്കടറായാണ് താരം ഈ ചിത്രത്തില്‍ വേഷമിട്ടത്.