പ്രിവ്യു: സ്‌കെച്ചിട്ട് ആളെ പിടിക്കുന്ന വിക്രം, ഇതുവരെ കണ്ട അധോലോക നായകനല്ല ഇത്!!

സംവിധാനം നിര്‍മാണം

വിജയ് ചന്ദര്‍ തന്നെ തിരക്കഥ എഴുതി സംവിധാനം ചെയ്യുന്ന ചിത്രമാണ് സ്‌കെച്ച്. വി ക്രിയേഷന്‍സ് വിതരണം ചെയ്യുന്ന ചിത്രം മൂവിങ് ഫ്രെയിമാണ് നിര്‍മിയ്ക്കുന്നത്.

കഥാ പശ്ചാത്തലം

ചെന്നൈയിലെ അധോലോകത്തെ കുറിച്ചാണ് ചിത്രത്തില്‍ പറയുന്നത്. പൊതുവെ തമിഴ് ചിത്രങ്ങളില്‍ ചെന്നൈ അധോലോകത്തെ വിദ്യാഭ്യാസമില്ലാത്ത ചേരി നിവാസികളായിട്ടാണ് കാണിക്കാറുള്ളത്. എന്നാല്‍ സ്‌കെച്ച് കൂടുതല്‍ സ്‌റ്റൈലിഷ് ആണെന്ന് സംവിധായകന്‍ പറയുന്നു

വിക്രം നായകന്‍

സ്വന്തമായ ഒരു സ്റ്റൈല്‍ സ്‌കെച്ചിന് വേണ്ടിയും വിക്രം കൊണ്ടുവരുന്നുണ്ട്. സ്‌കെച്ച് എന്ന് തന്നെയാണ് വിക്രമിന്റെ പേര്. നേരത്തെ ഭീമ എന്ന ചിത്രത്തില്‍ ഗുണ്ടാ ജീവിതത്തിലൂടെ വിക്രം സഞ്ചരിച്ചിരുന്നു.

നായിക തമന്ന

തമന്നയാണ് ചിത്രത്തില്‍ നായികയായെത്തുന്നത്. ആദ്യമായിട്ടാണ് വിക്രമും തമന്നയും ഒന്നിച്ചഭിനയിക്കുന്നത്. ആക്ഷനൊപ്പം പ്രണയത്തിനും പ്രാധാന്യം നല്‍കുന്ന ചിത്രത്തില്‍ അമുതവല്ലി എന്ന കഥാപാത്രത്തെയാണ് തമന്ന അവതരിപ്പിയ്ക്കുന്നത്.

മറ്റ് കഥാപാത്രങ്ങള്‍

സൂരി, രാധ രവി, വേല രാമമൂര്‍ത്തി, രവി കൃഷ്ണ, ആര്‍കെ സുരേഷ്, ഹാരിഷ് പേരടി, ശ്രീറാം, ശ്രീപ്രിയങ്ക എന്നിവരാണ് ചിത്രത്തിലെ മറ്റ് കേന്ദ്ര കഥാപാത്രങ്ങളായി എത്തുന്നത്.

അണിയറയില്‍

എസ് തമാനാണ് ചിത്രത്തിലെ പാട്ടുകള്‍ക്ക് ഈണം നല്‍കുന്നത്. എം സുകുമാര്‍ ഛായാഗ്രാഹണം നിര്‍വ്വഹിയ്ക്കുന്ന ചിത്രത്തിന് വേണ്ടി ചിത്രസംയോജനം നടത്തുന്നത് റൂബെനാണ്.