മണിരത്‌നം ചിത്രത്തില്‍ റാംചരണ് നായിക റെഡി!!! അതും ബോളിവുഡിലെ താരപുത്രി!!!

മൂന്ന് ഭാഷകളില്‍

റാംചരണ്‍, സാറ അലി ഖാന്‍ എന്നിവരെ പ്രധാന കഥാപാത്രങ്ങളാക്കി മണിരത്‌നം ഒരുക്കുന്ന ചിത്രം മൂന്ന് ഭാഷകളിലായിരിക്കും. തമിഴ്, തെലുങ്ക് എന്നീ ഭാഷകള്‍ കൂടാതെ ഹിന്ദിയിലും ചിത്രം ഒരുക്കുന്നുണ്ട്. മണിരത്‌നത്തിന്റെ ആദ്യ ത്രിഭാഷ ചിത്രമായിരിക്കുമിത്.

സാറ അലി ഖാന്‍

ബോളിവുഡ് താരം സെയ്ഫ് അലി ഖാന്റേയും അമൃത സിംഗിന്റേയും മകളാണ് സാറ അലി ഖാന്‍. ടൈഗര്‍ ഷെറോഫ് നായകനാകുന്ന സ്റ്റുഡന്റ് ഓഫ് ദ ഇയര്‍ എന്ന ചിത്രത്തിലൂടെ ബോളിവുഡ് അരങ്ങേറ്റത്തിന് ഒരുങ്ങുകയാണ് സാറ.

തെന്നിന്ത്യന്‍ അരങ്ങേറ്റം

കരണ്‍ ജോഹര്‍ നിര്‍മിക്കുന്ന ബോളിവുഡ് ചിത്രത്തിലൂടെ ഒരുങ്ങുന്ന സാറ അലി ഖാന്റെ ആദ്യ തെന്നിന്ത്യന്‍ ചിത്രമാണ് ഈ മണിരത്‌നം സിനിമ. സാറയുടെ ആദ്യ ചിത്രം ഒരു റൊമാന്റിക് എന്റര്‍ടെയിനറായിരിക്കുമെന്നാണ് റിപ്പോര്‍ട്ട്.

ഔദ്യോഗിക തീരുമാനം

ചിത്രത്തിലെ കേന്ദ്ര കഥാപാത്രത്തെ സാറ അലി ഖാന്‍ അവതരിപ്പിക്കും. എങ്കിലും ഇക്കാര്യത്തില്‍ ഔദ്യോഗിക പ്രഖ്യാപനം ഉണ്ടായിട്ടില്ല. തമിഴ്, തെലുങ്ക്, ഹിന്ദി, ഭാഷകളില്‍ ഒരുങ്ങുന്ന ചിത്രത്തെ സംബന്ധിച്ചുള്ള ആദ്യ ഘട്ടകള്‍ ചര്‍ച്ചകള്‍ മാത്രമേ ഇപ്പോള്‍ നടത്തയിട്ടുള്ള എന്നാണ് റിപ്പോര്‍ട്ട്.

മൂന്ന് നായകന്മാരുടെ ചിത്രം

റാംചരണ്‍ ചിത്രം കൂടാതെ മൂന്ന് നായകന്മാരെ പ്രധാന കഥാപാത്രങ്ങളാക്കി മണിരത്‌നം ഒരു ചിത്രം സംവിധാനം ചെയ്യുന്നതായും റിപ്പോര്‍ട്ടുകളുണ്ട്. മാധവന്‍, വിജയ് സേതുപതി, ഫഹദ് ഫാസില്‍ എന്നിവരാണ് ചിത്രത്തിലെ നായകന്മാര്‍.

നായികയായി അതിഥി റാവു

കാട്രുവെളിയിടൈ എന്ന ചിത്രത്തിലൂടെ തെന്നിന്ത്യയില്‍ അരങ്ങേറിയ അതിഥി റാവു മാധവന്‍, വിജയ് സേതുപതി, ഫഹദ് ഫാസില്‍ ചിത്രത്തില്‍ നായികയാകും. എന്നാല്‍ ഇവയില്‍ ഏത് പ്രൊജക്ടാണ് ആദ്യം തുടങ്ങുക എന്ന കാര്യത്തില്‍ ഇതുവരെ തീരുമാനമായിട്ടില്ല.