മഹേഷ് ബാബുവിനെ കേരളത്തിലെത്തിച്ച നിര്‍മാതാവിന് കിട്ടിയത് എട്ടിന്റെ പണി...

ബിഗ് ബജറ്റ് ചിത്രം

100 കോടി ബജറ്റില്‍ ഒരുങ്ങിയ ഒരു സയന്റിഫിക് ത്രില്ലര്‍ ആയിരുന്നു സ്‌പൈഡര്‍. സൂപ്പര്‍ ഹിറ്റ് ഡയറക്ടറായ എആര്‍ മുരുകദോസിന്റെ ആദ്യ തെലുങക് ചിത്രം എന്ന പ്രത്യേകതയയും ചിത്രത്തിനുണ്ടായിരുന്നു.

ഇറം ഫിലിംസ്

കേരളത്തിലേക്ക് ചിത്രം വിതരണത്തിന് എടുത്തത് ഇറം ഫിലിംസാണ്. പ്രിന്റ് ആന്‍ഡി പബ്ലിസിറ്റി ഉള്‍പ്പെടെ ഒന്നര കോടി രൂപയാണ് ചിത്രത്തിനായി ഇറം ഗ്രൂപ്പ് മുടക്കിയത്. പൂജ അവധി കണക്കാക്കി സെപ്തംബര്‍ 27നാണ് ചിത്രം റിലീസ് ചെയ്തത്.

കൈ പൊള്ളി

വളരെ പ്രതീക്ഷയോടെയാണ് ചിത്രം കേരളത്തില്‍ വിതരണത്തിന് എത്തിച്ചതെങ്കിലും നിര്‍മാതാവിന് കനത്ത നഷ്ടമാണ് ചിത്രം വരുത്തിവച്ചത്. 2.5 കോടിയാണ് ചിത്രത്തിന് കേരളത്തിലെ തിയറ്ററുകളില്‍ നിന്ന് ആകെ ലഭിച്ചത്. ഇറം ഫിലിംസിന് ലഭിച്ചതാകട്ടെ 95 ലക്ഷവും. 55 ലക്ഷമായിരുന്നു നഷ്ടം.

ഡ്യൂപ്പില്ലാതെ ആക്ഷന്‍ രംഗങ്ങള്‍

ചിത്രത്തിലെ അതിസാഹസികമായ ആക്ഷന്‍ രംഗങ്ങളില്‍ ഡ്യൂപ്പില്ലാതെയാണ് മഹേഷ് ബാബു അഭിനയിച്ചത്. ഡ്യൂപ്പുകള്‍ പോലും ചെയ്യാന്‍ മടിക്കുന്ന അപകടരമായ ആക്ഷന്‍ രംഗങ്ങള്‍ തെല്ലും ഭയമില്ലാതെയാണ് മഹേഷ് ബാബു അവതരിപ്പിച്ചെങ്കിലും തിയറ്ററിലേക്ക് പ്രേക്ഷകരെ ആകര്‍ഷിക്കാന്‍ ഇതിനായില്ല.

പ്രതീക്ഷ രജനികാന്തില്‍

രജനികാന്ത്-ശങ്കര്‍ ടീമിന്റെ ബ്രഹ്മാണ്ഡ ചിത്രം 2.0യിലാണ് ഇറം ഗ്രൂപ്പ് ഇപ്പോള്‍ പ്രതീക്ഷ അര്‍പ്പിച്ചിരിക്കുന്നത്. ചിത്രം കേരളത്തില്‍ വിതരണത്തിന് എത്തിക്കുന്നതിനുള്ള ശ്രമങ്ങള്‍ തീവ്രമായി നടക്കുകയാണ്. സ്‌പൈഡറിന്റെ നഷ്ടം 2.0 നികത്തുമെന്നാണ് പ്രതീക്ഷ.

തലയും നഷ്ടം

തല അജിത് നായകനായി എത്തിയ ബ്രഹ്മാണ്ഡ ചിത്രം വിവേകവും ഇത്തരത്തില്‍ കനത്ത നഷ്ടം ഉണ്ടാക്കിയ ചിത്രമായിരുന്നു. പ്രിന്റ് ആന്‍ഡ് പബ്ലിസിറ്റി ഇനത്തില്‍ അഞ്ച് കോടിയോളം മുടക്കിയ ചിത്രം മാസ് റിലീസായിരുന്നു കേരളത്തില്‍ ഒരുക്കിയത്. പക്ഷെ ചിത്രം വിതരണത്തിന് എടുത്ത് ടോമിച്ചന്‍ മുളകുപാടത്തിന് നഷ്ടം വന്നത് രണ്ട് കോടിയോളം രൂപയാണ്.