പ രഞ്ജിത്തിനോട് രജനി അപേക്ഷിച്ചത്; കേട്ടതും സംവിധായകന്‍ ഞെട്ടി

മദ്രാസ് എന്ന ഒറ്റ ചിത്രത്തിലൂടെ തന്നെ തന്റെ കഴിവ് തെളിയിച്ച സംവിധായകനാണ് പ രഞ്ജിത്ത്. അതുകൊണ്ട് തന്നെയാണ് രണ്ടാമത്തെ ചിത്രമൊരുക്കാന്‍ ഇന്ത്യയിലെ തന്നെ സൂപ്പര്‍സ്റ്റാര്‍സില്‍ ഒരാളായ രജനി കാന്തിന്റെ ഡേറ്റ് ലഭിച്ചത്.

കബലി എന്ന ചിത്രത്തിന്റെ ഷൂട്ടിങ് ചെന്നൈയിലും പരിസരത്തുമൊക്കെയായി നടന്നുകൊണ്ടിരിയ്ക്കുകയാണ്. ഒരു സ്റ്റൈലിഷ് അധോലോക നായകനായിട്ടാണ് രജനികാന്ത് ചിത്രത്തിലെത്തുന്നത്.

ഷൂട്ടിങിനിടെ സൂപ്പര്‍സ്റ്റാര്‍ സംവിധായകന്റെ അടുത്ത് വന്ന് ഒരു കാര്യം അപേക്ഷിച്ചു. വിനയപൂര്‍വ്വമുള്ള ആ ചോദ്യം തന്നെ ആദ്യത്തെ ഞെട്ടലാണ്. രജനി ചോദിച്ച ചോദ്യം കേട്ടാല്‍ പിന്നെയും ഞെട്ടും.

ചെയ്യുന്ന സിനിമയുമായി ഒരുപാട് അടുക്കാന്‍ ശ്രമിയ്ക്കുന്ന രജനി ചോദിച്ചത്; 'എനിക്ക് ഷൂട്ടിങില്ല, എങ്കിലും സെറ്റില്‍ ഇരിക്കാന്‍ അനുവാദം നല്‍കാമോ' എന്നാണ്. ചോദ്യം തീരുന്നതിന് മുമ്പേ സംവിധായകന്‍ സമ്മതിയ്ക്കുകയും ചെയ്തത്രെ. അതാണ് രജനികാന്ത്!